Сувæллон авдани бæтгæй зар
Булла-булла, буллатæ,
Дæге-дæге, дæгетæ,
Нæннæ, мæ хор, фæгъгъос уо!
Уалæ хъахъа ратæхуй,
Хъахъа нæ, фал хъæндел æй.
Булла-булла, дæгетæ,
Минкъий адæм - бæхтæбæл,
Берди - дзæгъар æфсæбæл,
Кудзин æхсин - къæлæубæл,
Гамакей бæх - бор бæх,
Бор, бæхи думæг ка бидта,
Булла-булла, буллатæ,
Сирдон бидта, тæх бидта,
Къумæлхийтæ 'ракодта.
Гъо, Сирдон! Гъо, Сирдон!
Дæ еу фат мин рæттæ,
Де 'инæ фатæй ци кæнис?
Ме 'знæгти фæссорон,
Мæ хæстæгути æрхонон.
Булла-булла, буллатæ,
Тæрхъос æ гъосæй æрласон...
Райдзурдта Хъиргути Геуæрги. Уæхъæцæ 26 сентябрь. Нийфинста Толасти Андрей 1927 анзи.
