Дзагурти Дигорхан
Исӕнтӕсти ӕсхъод
Хуцау ба ӕ минкъий къохтӕй
Устур цард исфӕлдиста...
Адӕймаги дессаг арми
Тӕтон ауӕ бауагъта!
Уарзӕ,уарзӕ кадӕр цӕруй
Мӕ лӕварӕй дӕ рӕбун !
Алке дӕр си мӕн цӕхӕр ӕй,
Мӕ уод алцӕми цӕруй!
Цъӕх ӕрвитӕ мӕ удзестӕй
Дуйнетӕбӕл исбарун!
Ӕнгъӕлдзау дӕн дӕ исунмӕ :
Мӕхе дӕхеми уинун...
Мӕ тала дӕ, мӕ исон дӕ,
Мӕ абони, мӕ ӕнос!
Нур дӕр кӕмӕн дӕр Хуцау дӕ :
"Еунӕг дӕ" дӕмӕ ковуй...
Царди гӕбӕлотӕ
Ку рауаруй мӕ зӕрдӕбӕл
Ес - нӕййеси ух, ӕна,-
Ӕримисун сабийдогӕ,
Ме 'нӕмӕти замана!...
Фетинг унцӕ мӕ иуӕнгтӕ,
Кари дӕгъӕл- уайтагъд гӕлст,
Тог пеллонӕй сӕр иссодзуй,
Ме 'гудзӕгтӕ - иронх, гъӕцт!
Ӕрдзӕ фестуй гӕбӕлотӕ :
Ниццӕхъал кӕнуй мӕ уод!
Маке зӕгъӕд "зӕрӕ уаргъ ӕй",
Алке уафуй царди конд!..
