ДУЙНЕ
Ниббæлгъур æй дуйне,
Нæбал еруй æ уасæ,
Æрæллау ин нæййе, –
Ци ʽй æ карнæ, æ хуасæ?
Ке арæзт æй, ке конд
Æ цъæх бази фæтевзæ?..
Æ гобан – цæрдинод,
Æ гъæццол æдгъун-гъес æй...
Æрзилдæй мæ сæрбæл,
Уорсалистау, хуæрззæрæ,
Мæ гъенцъунти къæбæл
Низзилдта мин ме ʽфсæрмæ...
Ци ма уон, ци фæууон, –
Мæ рист уод нидздзæгъæлтæ ʽй!..
Мæ къæсæр – цæрдигон
Зæринæфцæг дæгъæлтæй...
Фал ниймир æй дуйне
Æд идæдт, æд кæрæнттæ, –
Æрæллау ин нæййе,
Нæ ин ес бакæнæнтæ...
18.05.2022
