Хайманти Антонинӕ
Аргъауи бӕстӕ
Дуйней скондӕй гъе нурмӕ,
Итинг цъӕх арв нӕ сӕрмӕ.
Дӕттуй нин хор ӕ гъарӕй
Ци хсидзгон ӕй ци хуарзӕй.
Ирд стъалутӕ ба арвбӕл
Тӕбар тубур кӕнунцӕ
Еудадзуг зӕрди зарбӕл.
Фӕрсаг мин исесунцӕ.
Дони гъӕрӕй нӕ кӕмтти
Ӕрдзи реудзӕф игъусуй.
Имисун дӕ мӕ сӕнтти
Мӕ зӕрдӕ дӕ имисуй.
Фесхъеунцӕ цӕхъӕлттӕ
Цъеутӕ ба гъӕр зарунцӕ.
Ивулунцӕ ӕгъдӕуттӕ,
Ӕма фарнӕ хӕссунцӕ.
Тумбул мӕйӕ изӕригон
Ци сабургай исгъузуй.
Е хатгай мегъти ауон.
Фал хуӕнхбӕсти ба уозуй.
Нӕ хуӕнхбӕстӕ ци хуӕрзконд
Хуцауи ирд ,фӕлдесонд
Ци рӕсугъд дӕ мӕ дигорӕ.
Аргъаудӕр бунат ма 'горӕ.
Цӕун тохмӕ
Райстон мӕ топп ӕма мӕ кард,
Нифс, хъаурӕ мӕ уоди ивард.
Загътон нӕ хуӕнхбӕстӕн хуӕрзбон.
Тугъдмӕ цӕугӕ мин ӕй исон.
Цӕун фиди бӕсти Тугъдмӕ .
Гъӕуай кӕнгӕ ӕй Уӕрӕсе ,
Кизгай ку не 'рлæууай дзурдмӕ.
Тохи бахуӕрдзӕнӕн мӕхе.
Мӕнмӕ уӕййаг нӕййес бӕстӕ,
Нӕдӕр ба фиддӕлти зӕнхӕ.
Тохи ӕнхӕст кӕндзӕн ихӕстӕ.
Мӕнӕ уин арт ӕма цӕнхӕ.
Цалдӕн уа фӕстаг тоги тъинг.
Сӕйрагдӕр мин райгурӕн бӕстӕ.
Кӕндзӕн фашистти, знӕгти цъинк.
Ду мӕбӕл баууӕндӕ ӕррӕстӕ.
Гъай гъай уӕлахез ӕрхӕссӕн.
Гъай гъай сабур уодзӕй дуйнебӕл,
Уӕрӕсе уодзӕнӕй дӕнцӕн.
Мӕ зӕрдӕ дарун ӕз мӕхебӕл.
Уӕлахез
Уӕлӕхез бӕстӕбӕл райвулдӕй.
Хор нӕмӕ нӕ цийни райдзулдӕй.
Нӕ фиддӕлтӕ махӕн тӕрсгӕй
Фӕссурдтонцӕ знаг нӕ бӕстӕй.
Уӕлахез нин ӕрхастонцӕ
Сурх туруса ӕрсагъдонцӕ
Карз знагбӕл нӕ Уӕрӕсе
Фӕуӕлӕхез кодта ӕхе.
Мах ан нӕ хестӕртӕн фӕлтӕр,
Кадӕй нимайӕн син сӕ сӕр.
Нӕ бӕгъатӕрти имисӕн
Сӕ намус нӕ тоги, хӕссӕн
Хуцау гъӕуай кӕнӕд нӕ сӕр.
Мабал фегъусӕд топпи гъӕр.
Алкӕд сабур уӕд нӕ дуйне.
Бӕстӕ ӕрлӕдӕрӕд ӕхе.
Фиди бӕсти устур тугъд
Фиди бӕсти устур тугъди.
Кадгин фиддӕлтӕ адтӕнцӕ.
Фашисти хафт ӕма сугъди.
Нӕ хуӕздӕртӕ байзадӕнцӕ.
Нӕ фиддӕлти кадгин зӕнхӕ.
Багъӕуай кодтонцӕ хъӕбӕр.
Нӕ къӕбӕр ӕма нӕ цӕнхӕ.
Уони фӕрчи мах хуӕрӕн.
Гитлеронтӕ ӕнӕхатир
Мадтӕлтӕй фурти истонцӕ,
Нӕ нитадӕй син мади хсир.
Тӕрегъӕд етӕ нӕ зудтонцӕ.
Ӕрхастонцӕ сӕрустурӕй
Нӕ фиддӕлтӕ уӕлахез,
Уони фӕрчи нибундорӕй
Нӕ зӕнхӕбӕл ӕдзӕстхез.
Гитлеронтӕ ме 'нӕйинон
Уони фашисттӕ худтонцӕ
Фуддӕр загъд шин чи зӕгъон
Сӕхе мӕнгард равдистонцӕ.
Тугъд макӕдбал уӕд макӕд,
Нӕ сабитӕ идзулӕнтӕ.
Уочи хуарз хуцау радтӕд.
Кӕстӕртӕ намус хӕссӕнтӕ.
Цӕф салдат
Ӕруагъта ӕхе къотӕрти
Нӕхе советтон цӕф салдат.
Знаги фӕттӕ тагъдӕнцӕ сӕрти.
Нӕ ирдта ӕхецӕн бунат.
Багъос кодта хъайтар къохтӕй.
Цуппар немуцаг фашисти.
Райста абуалгъ арти цъухтӕй.
Цӕфсгӕ танкӕй нӕ чекисти.
Цалдӕр бони е ӕнӕхуӕргӕ.
Цӕфтӕ, ӕмай дон ку гъудӕй.
Кастӕй ӕхемӕ ӕнӕмӕлгӕ .
Цӕф салдат ӕма нӕ тухстӕй.
Цӕфӕй дӕр е ӕмпурста
Фиди зӕнхӕ хъазар ӕй
Гъӕуама тагъд сурх туруса
Сагъд уа рейхстаги сӕрӕй.
Цӕф салдати цӕститӕбӕл уадӕй,
Мади сорӕт ,фиди къӕсӕр.
Зудта некӕд ӕрхӕссӕнӕй
Нӕ бӕстӕн агадӕ ӕ цӕф сӕр.
Цӕститӕ имӕ никъулдтонцӕ
Цӕф салдатмӕ, ирд стъалутӕ.
Знаг размӕ ӕмпурстонцӕ.
Фал тагъд кодта е дӕр рейхстагмӕ.
Сурх туруса ку фӕидта
Уӕлахезӕ ке ӕрфедар ӕй.
Ӕ уод цӕф салдат уӕд исиста.
Фӕцӕй сау тог тогведудӕй.
Сау тог цӕф салдат никкалдта
Фиди бӕсти сӕрвӕлтау.
Зӕнхӕ знагӕн нӕ равардта
Багъӕуай ӕй кодта лӕгау.
Ӕмӕ нур ӕй Уӕлахези бон.
Солдати Иронх мах нӕ кӕнӕн.
Цӕрдзӕй ӕносмӕ ӕ кади ном.
Бӕстӕ дардзӕй ӕй дӕнцӕнӕн.
