Дзагурти Дигорхан (Дана)

Сӕри хурфӕ

Куд тӕтон ӕй сӕри хурфӕ,
Алцӕбӕл дӕр куд хъӕртуй:
Зинбӕл уа, ӕви цийнӕбӕл,-
Дуйнетӕ си амайуй...
Истӕхунцӕ зӕрди уайтӕ,
Алли хузи хуарантӕй,
Рӕсугъд - гъӕздуг хузӕ кондӕй,
Алке дӕр си ӕндӕр цонау:
Сурхӕй, цъӕхӕй, бор фӕрдуг...
Зӕрди уайтӕ, рохс хӕссетӕ,
Цард уи кӕнуй гъар, идзирд...
Зӕрди уайтӕ, хори тунтау,
Цард кӕнетӕ уарзон, ирд!


12 мая

Мӕ зӕрдӕмӕ кӕун цӕуй!

Мӕ зӕрдӕмӕ кӕун цӕуй!
Нецӕбӕл дӕр, естӕбӕл...
Уоди "бабухсӕ" рӕдовуй,
Цӕбӕл ӕй ӕ рист, цӕбӕл?
Фагӕй, фагӕй, Рист Иуарӕг!
Ӕнӕкӕрон берекет...
Кӕдимайди, кӕдзос уогӕй,
Исабузидӕ келбет...
Кӕдимайди, Хатиргӕнӕг
Рацӕйзелидӕ йе 'ргом...
"Хатир корун, ни 'ммин барӕ!" -
Куд истонон, цит, ӕргом...
Фӕкъкъӕрт ӕнцӕ зӕрди ехтӕ...
Рацӕйластонцӕ мӕ рист!...
Нӕуӕг киндзи сӕрбӕттӕнау
Мӕ зин фӕцӕй зунд 'ма ист!
Еунӕг бунат ес бауӕри,
Кӕци зӕнабӕл хуӕцуй:
Тумбул къохи асӕ зӕрдӕ,
Кӕци ходуй 'ма кӕуй!
Кӕцимӕй ӕдас дуйнетӕ,
Кӕци уодӕн - ӕ федар,
Ӕ нифсдонӕ, берекет,
Ци тӕтон дӕ, минкъий зӕрдӕ!
Ци циткин дӕмӕй нӕ цард!...
Цъӕх ӕрвитӕмӕ дӕ фӕрци
Исаразӕн уоди над...

11 мая


Следующее стихотворение появилось, когда Дана прочитала  пост о следующем:

Вы работаете 8 часов, чтобы жить 4.
Вы работаете 5 дней, чтобы наслаждаться 2.
Вы работаете 8 часов, чтобы поесть за 15 минут.
Вы работаете 8 часов, чтобы поспать 6.
Вы работаете весь год только для того, чтобы взять отпуск на неделю или две.
Вы работаете всю жизнь, чтобы выйти на пенсию в старости.
Но жизнь уже прошла.
В конце концов, вы понимаете, что жизнь - это не что иное, как пародия на вас самих, отрабатывающая ваше собственное забвение.
Мы настолько привыкли к материальному и социальному рабству, что уже не видим цепей...

Рӕстӕг - куройнӕ

Цард фӕлладӕй,
Рондз никкалгӕй,
Рӕмбуйнӕмӕ лӕборгӕй,
Фӕлтард кӕнунцӕ
Нӕ уодтӕ:
Кӕми уӕндгӕй, нӕ уӕндгӕй...
Еу цардӕй цӕрӕн ӕнгъӕлӕн,
Фалӕ хъӕбӕр рӕдуйӕн!
Кӕдмӕ мӕ уод
Исрӕсог уа, уӕдмӕ
Лӕссӕн, игурдзӕн...
Еу цардӕй нӕ йӕй есадӕ:
Рӕстӕгбӕл нӕ нийурста,
Рӕстӕгӕн ба ӕ куройнӕ
Ӕнӕ лӕугӕй фӕинста...
Хуцауи фӕлсугъдау кӕдмӕ
Уодтӕ исунцӕ кӕдзос,
Уӕдмӕ зелунцӕ курӕнттӕ,
Рӕстӕг ӕ билтӕ 'стӕруй...



9 мая

Ӕндӕр хузи уод

Ӕ беутӕ, ӕ зӕрдӕ дӕр
Синдзгун надбал рахаста...
Гъай-гъай зудта, ци йӕй хезуй:
Ӕ тог финкау фӕккалдта...
Зӕнхи тӕгӕл хъури буни
Суваллонау рӕвдаугӕй,
Ӕ зинтӕ йин хемӕ есгӕй,
Цӕстисугӕй ӕхснӕнгӕй,
Ниррӕуадӕй, ци ӕй хезуй,
Уой ӕ зӕрдӕбӕл даргӕй!
Кӕдимайди,
ӕ сӕрбӕлхаст царди зинтӕ басодза,
Кӕдимайди, ӕ рохс тала
Зӕнхи реуи бацӕуа...
Ӕ зинтӕ ин барӕуадзӕ
Цастисугӕй, кӕдмӕ цӕра,-
Ӕхснӕндзӕй...
Алке бӕсти, цардгъӕуагӕй,
Мӕлдзӕй, ӕ уод фесаргӕй...
Сӕхе дӕр ди рахатдзӕнцӕ,
Гъӕдӕ, зӕгӕл дин ӕмбал:
Ресун дӕр дӕ фӕккӕндзӕнцӕ,
Дӕ тог уодзӕй феддуйнаг...
Фалӕ, рӕстӕги хъӕбеси
Уотӕ уодзӕнӕ рӕвдуд...
Дӕ номӕй дин арт хуӕрдзӕнцӕ,
Куд нимайонцӕ дӕ, куд?
Есо Киристей хуарзӕнхӕй уод
рауадзӕд
Рохс тала!
Зин ӕвзаргӕй алке зӕгъӕд:
Ма мӕла мин, ма мӕла...
Дӕ иуазӕг, рохс изӕди!
Уодти хестӕр пахапмар!
Мӕнгӕ дуйне ка рамулдта...
Дӕ фӕдбӕл цӕуӕн мах дӕр...


9 мая

Сӕребари цӕсгӕнттӕ

Лӕгӕн ӕ цӕсгонбӕл
Алци финст фӕууй...
Кадӕр - ӕ фур тасӕй
Къумти римӕхсуй
Тӕппод уод :
Ӕхебӕл пъолци искӕнуй!
Кадӕр ба - ӕ содзгӕ артау
Ӕвзонг уод
Реуӕй тонуй!
Размӕ ӕмпурсуй!
Содзуй фидибӕстӕ,
Ӕзнаг лӕдӕруй :
Сӕ хуӕздӕрти рӕстӕг
Тайгӕ фӕццӕуй...
Сайд уӕбӕл ма уайӕд!
Зонетӕ, зӕгъун :
Нӕ хуӕздӕрти ауӕй
Абони цӕрӕн!


4 мая

Цӕстӕ ӕви уод

Разилдӕй мӕ цӕстӕ,
Ӕви ба - мӕ уод?
Изӕйрон десӕмӕ
Гъӕуама кӕсон!
Хуцауи лӕвӕрдтӕ
Едзуй мӕ идзирд :
Ка 'й зонуй,
Мӕ кеми кӕд
Ӕрцӕудзӕн, цит...
Федар уӕд мӕ ауӕ,-
Мӕ уоди мӕсуг
Ӕхе бафӕдзӕхсӕд,
Ӕнӕ къулумпитӕй
Ӕхсӕвӕ цӕуй...
Цӕстӕн, ӕви уодӕн
Дессӕгтӕ дзоруй...


4 мая

Нӕ ӕхсаргинтӕ

Къӕхти бунбӕл лихъӕй
Тугъди хъист цӕуй,
Куд ӕнгъалдтай, цъаммар,
Ци дӕмӕ кӕсуй?
Бӕсти 'дзаг уӕлмӕрдтӕ,
Дзиллӕ - бунӕскъуд?
Сайд дабӕл рауадӕй!
Уарзун ка зудта,-
Еци хъӕбатӕри
Гъолӕ рамулдта...


4 мая