Кæдæй нурмæ нæ хуæнхбæсти

Риндзæбæл геуй мæсуг.

Фæццæунцæ æ еувæрсти

И бæлццæнттæ еудадзуг.

         Æрмæст имæ и бæлæутæ

        Æртæхунцæ къуæрттæгæй,

        Ниууадзунцæ цæргæ гъæутæ

        Æма уæдта фæлтæргай

Фæккæсунцæ и гъоргъитæй,

Æрвгæронмæ – здæхт се ‘рух.

Кæддæр ба, дан, гъе уордигæй.

Ракæсидæ топпи цъух.

        Æ фалдзости ‘ситинг уидæ,

        Къæркъæргæнгæ, топпадзагъд,

       Æнæнгъæлти ‘сæскъунидæ

       Сау æзнæгтæн, цит, сæ загъд.

Нур еу сагъæс мæн æвдирзуй,

Мæ медзæрдæ ниттухсуй:

Е ‘ рхъез фæрстæй куд нæ гъæрзуй,

Æ арф ностæн куд бухсуй?..

       Æви ин сæ цъæх гъунатæй

       Евгъуд догæ бабаста?!

       Бæлæутæ си кæд æрцардæй,

       Ци Хуцау сæ æрхаста?!