СУРХ ПАРТИЗАН МУЛУКАТИ ХАДЖИМУССИ ЗАР
Дур-Дури машинӕ - ӕнӕ рамкитӕй.
Хаджимуссӕ нигъгъӕр кӕнуй:
- Мах нийахӕстонцӕ цъаммар орситӕ
Рӕзбуни донбӕл ӕнӕ равгитӕй.
Гъе нур хуӕрзбон, нӕ Кавкази хуӕнхтӕ, мах фӕццӕуӕн
Мӕгурти сӕрбӕл зонгӕ мӕлӕтмӕ.
Нӕбал бацӕудзӕнӕй губунгин старшин, мӕгур лӕг, дӕумӕ тӕлӕтмӕ.
Хуӕнхти бӕрзонддӕр Хъӕреу æй.
Сурх партизантӕ тохунцӕ се знӕгти нихмӕ сӕ реуӕй.
Ӕз ниууагътон социалистон машинттӕ цӕугӕ 'ма зелгӕ.
Ниууагътон мӕ уарзон осӕ кӕугӕ 'ма неугӕ.
Ӕрӕдони зӕрингурдтӕ кард ӕма ронӕ скодтонцӕ.
Махӕн нӕ партизантӕ цард ӕма ном искодтонцӕ.
Дигори коми сӕ кард ӕма сӕ рони кусуратӕ.
Хаджимуссӕ ӕ од есунбӕл фӕгъгъӕр кодта:
Ма нин рауагътӕ не знӕгтӕн есун нӕ сурх турусата.
Орсдони нихас Кехойти размӕ.
Мӕнӕн мӕ зар никкӕнтӕ мӕ хестӕр хуӕрӕ Сехойи размӕ.
Радзурдтонцæ ӕй Цӕллагти Дугус ӕма Цакъоти Майрӕм, сентябрь, 1935 анз, Дур-Дур.
Ниффинста ӕй Хадати Берди.
ЦИНИИ-йы архив, фольклор № 28, папкӕ 4, ф. 129-130.
