Дигори райони библиотеки косгутæ бацæттæ кодтонцæ дигорон финсгути киунугути равдист. 2-аг астæуккаг скъолай ахурдзаути хæццæ ба- литературон изæр Малити Васой юбилеймæ. Гъулæггагæн скъолатæ къарантини нихгæдтонца, ма Малий фурти изæр æндæр бонмæ хæсгæ рауадæй.
По решению ЮНЕСКО 21 февраля ежегодно празднуется как День родного языка. К этому знаменательному событию сотрудники Дигорской районной библиотеки оформили выставку книг дигорских поэтов и писателей. А вместе с учащимися 2-й средней школы подготовлен поэтический вечер, посвященный юбилею Васо Малиева. К сожалению, из-за карантина в школах, вечер пришлось перенести на другой день.
ХИДИРТИ Ехйа
НЕ ’ВЗАГ
Нæ рагæнттæ цардбæл тохи
Ку къæрт кодтонцæ фæндаг,
Зундау син уæд царди тонхи
Сæ уодбæл хуæстæй не ’взаг.
Фæлтæргай æй мингай æнзти
Искодтонцæ хуæрз гъæздуг,
Бакодтонцæй мах бæрнæхсти
Сæ фæсмæрдæ еудадзуг.
Недзамантæй ба мах уæнгæ
Ка ’рхъæртун кодта не ’взаг,
Еци фиддæлтæн се ’ууæнкæ
Куд фæссайон куд се знаг?!
’Ма куд баййевон абони
Æндæр æвзагбæл не ’взаг,
Мæ минкъий фуртæн æ коми
Куд æрлух кæнон йе ’взаг?!
Ме ’взонг цъæх кизгæн æ тоги
Куд нæ бауадзон не ’взаг?
Куд æй фæккæнон æ доги
Нæ адæнæй æскъуддзаг?!
Мæ ниййергутæн сæ циртмæ
Ке ’взагæй зæгъон рохсаг?
Куд син зæгъон дæлсигитмæ
«Исхæран мин æй уе ’взаг?!»
Кенæ Къостай «Ирон фæндур»
Куд ниууадзон æнигон,
Куд нæ дарон мæ зæрдрæбун
Георгий «Ирæф» æнгом.
Гъеуотæ кæнгæй тæрхæнттæ
Кæбæл дæн æз зæрдихудт?
Не взаг гæлдзгутæ зæгъæнтæ
Кæд миййаг æнцæ æвуд?!
Сæ eу мин си уотæ зæгъуй:
«Иссæй не ’взаг уæлдай уаргъ!»
Нæ лæдæруй , ке нæ тæхуй
Æнæ базур сæргой маргъ!
Иннæ ба мин уотæ зæгъуй:
«Денгизмæ хауй Терк дæр»,
Денгиз Теркбæл куд æфтуйуй,
Уой ба не ’ргъæвуй æ сæр.
Минкъий æвзæгтæ фæууæнтæ
Цæугæ дæнттæ, зæгъдзинан,
Устур æвзæгтæ зæгъæнтæ
Мах ба, зæгъгæ, денгиз ан.
Фал цалдæнгæ денгизтæ уа,
Уодзæнæй уæдмæ дæнттæ,
Не взæгтæн уæд ци киндæуа?
Æнцæ æма ма уæнтæ!
Мæн ба ку ниввæрай цирти
Уарздзæнæн уæддæр не ’взаг.
Мæ циртдзæвæнбæл Хидирти
Ниффинсетæ мæ муггаг.
