КЪОРНАТИ ХӔМИЦ ӔМА ХЪОДЗАСТИ САДУЛЛИ ЗАР
Фарни гъӕуи цӕй бон никкодта,
Хӕмиц нидздзоруй:
Садуллӕ, мах нӕ фурттӕн цӕй ном никкодтан,
Тох!
Масини фӕндаг зӕгӕл ӕндон,
Садуллӕ нидздзоруй;
Хӕмиц, махӕн аци бон никкодта нӕ мӕлӕн бон,
Poxcar!
Гъӕди сӕри цӕй толдзӕ никкалдӕй,
Хӕмиц нидздзоруй:
Садуллӕ, махӕн гъӕуи сӕрбӕл нӕ тог никкалдӕй,
Тох!
Хæрӕгъӕси куройнӕн ӕ толдзӕй къӕбӕлтӕ,
Садуллӕ нидздзоруй:
Не 'нсувӕртӕ, махӕн ма ниууагътӕ нӕ тоги хъӕбӕртӕ,
Рохсаг!
Уорсдони донӕн ӕ тӕнӕгӕй,
Хӕмиц нидздзоруй:
Садуллӕ, ӕз нӕ тог ку райстон ӕртӕ лӕгӕй,
Тох!
Масини станцӕ Майкъоппи размӕ,
Садуллӕ нидздзоруй:
Хӕмици мард багоретӕ акъоппи размӕ.
Зӕронд базар Мамати размӕ,
Садуллӕ нидздзоруй:
Махӕн нӕ зар никкӕнтӕ нӕ мади размӕ,
Рохсаг!
Мӕгур лӕги уӕрдун цӕугӕй зелгӕ,
Садуллӕ нидздзоруй:
Мӕ мадӕ, ӕз дӕуӕн ниууагътон Салимӕти кӕугӕйӕ неугӕ, тох!
Мӕскъиаги фӕсте арӕхъи хузӕн.
Хӕмиц нидздзоруй;
Ме'нгартӕ, махӕн нӕ зар никкӕнтӕ гъарӕнги хузӕн.
Радзурдта ӕй Къорнати Андре Бегайи фурт. 24 сентябрь, 1927 анз. Киристонгъæу: Ниффинста ӕй Толасти Андрей.
ЦИНИИ-йи архив, фольклор № 15, папкӕ 8, ф. 452-453.
