БУДТУТИ МУХАЙ ЗАР
Ӕз фӕццӕун тохмӕ
Мӕгурти сӕрбӕл,
Тогцъирти нихмӕ.
Муха радзоруй:
- Нӕ дӕ ӕрбауадздзӕнӕн, не знаг,
Мӕ йеунӕг уодӕй дӕ рарветдзӕнӕн
Устур масти хӕццӕ.
Нур нæ ниууадзӕ,
Нӕбал дин бантӕсдзӕнæй,
Мӕгур адӕм исгъигӕ 'нцӕ дӕ уиндӕй! –
Партизантӕ ӕрдзурдтонцӕ:
- Большевиктӕ сӕ фронтӕн Сау денги
Гӕрӕницӕ искодтонцӕ!
Нур ма ци кӕнон?
Йеунӕгӕй Байзадтӕн сау гъӕди астӕу!
Тӕходуй, уӕддӕр ма аци ӕнгъӕлдзауӕй
Ку рацардайнӕ йеу дууӕ бони,
Уӕд райстайнӕ сӕребар къохӕй
Мӕгур адӕми ӕфхуӕрдтитӕ!
Хъазахи хецӕуттӕ уӕлӕ горӕти
Толдзӕ йесуйнаг нӕбал ниууагътонцӕ.
Муха радзоруй:
- Кӕд мӕ рамардтонцӕ,
Уӕддӕр ӕз мӕ тог йесуйнагӕй
Нӕбал ниууагътон!
Елхотти станци ку ма адтайдӕ.
Муха радзоруй:
- Ӕз мӕ хӕдзари ку ниууагътайнӕ
Йеунӕг баргъон фурт!
Хуӕрзӕ бонӕ рауотӕ, мӕ хуарз ӕнгӕрттӕ!
Ӕз уӕ ниууагътон ӕма фӕццӕун
Адзали надбӕл!
Хуӕрзӕ бонӕ рауотӕ,
Нӕ, нал уӕ фӕууиндзинан,
Мӕ бон ин не ссӕй йеунӕгӕй
Мӕ зӕрди фӕндон!
Радзурдта ӕй Махъоти Ӕвдул, 1928 анз, Цикола.
«Ирон адӕмон сфӕлдыстад», Дзӕуджыхъӕу, 1949, ф. 491-492.
