ДЗАРАСТИ ХУМПИЙ ЗАР
Уӕрӕсей революци истардта
Тогцъирти Кавкази хуӕнхтӕмӕ;
Хумпий радзоруй:
- «Цӕуӕн, ӕнгӕрттӕ,
Багорӕн нӕ хуӕнхти,
Кӕрон искӕнӕн адӕми фидхуартӕн».
Рацӕуй Хумпий йе 'нгӕртти хӕтдзӕ Хъӕлисбитӕмӕ,
Уӕд бахъӕрдтӕнцӕ уӕртӕ Секермӕ хӕстӕг,
Иссердтонцӕ тогцъиртӕй йеу - Алдадтати Ибрагими.
Гъавта уӕд Хумпий йеу гъӕуагкин
Фӕккӕнунмӕ адӕми тогцъирти.
И гиаур цӕттӕ куд на 'дтӕй,
Фелваста ӕ топп,
Ӕ фитдзаг багъавди рахаудтӕй Хумпий.
Фӕгъгъӕр кодта Хумпий:
- Мӕнӕн мӕ уодесӕг
Алдадтай фурт Ибрагим;
Мӕнӕн мӕ тогесӕг –
Мӕ хуарз ӕнгарӕ Баппайти Даукуй!»
Баппайти Даукуй фӕззилдта ӕхе
Хумпий гъӕрмӕ;
Йеци сахатбӕл ниццафта уӕд
Алдадти фурти ӕ цубур топпӕй.
Гузайваг на бал ӕй Хумпий:
Нӕ бал ӕй ӕ тог йесуйнаг,
Райстан ин мах ӕ тог.
Дзурд дӕдтӕн мах,
Циколай ӕнгӕрттӕ, Хумпий мӕстӕй
Хъӕбӕрдӕр нӕбал ниууадздзинан
Нӕ хуӕнхти тогцъиртӕй йеунӕг дӕр.
Хумпий рамардӕй...
Радзурдта ӕй Махъоти Ӕвдул, апрель, 1918 анз, Цикола.
ЦИНИИ-йи архив, фольклор № 111, папкӕ 89, ф. 258-259.
