Дигор-Хъабан 

Дигор-Хъабан уæд адтæн,
Æма Зæдæлескæмæ ку бацæуинæ,
Абисалти Елберди, дæлбунти-уæлбунтигæнгæ,
Æхе ку расаидæ,
Гъе, Дигор-Хъабан уæд адтæн!
Мæсуги сæрмæ ку исхезинæ,
Æма æ рæсугъд уосæ сау лотон* бæгæни
Хæссун ку баидаидæ,
Æма æ сау дзигкотæ мæ астæубæл ку æртохидæ,
Гъе, Дигор-Хъабан ба уæд адтæн!
Сæумæ раги мæ уорс аласабæл саргъ ку исивæрун кæнинæ,
'Ма мæ егарти хæтдзæ уордигки ку рацæуинæ
Зæрдидзæбæхæн Хъарабугъати рæзти,
'Ма мæммæ кæсунæй хуæнхаг унгæг хæдзари къæразгæй
Сæ нæуæгцуд киндзитæ 'ма кизгуттæ хаун ку баидаионцæ,
Гъе, Дигор-Хъабан уæд адтæн!
Дори хъæбæрæй мæммæ кæсунæй
Хъарабугъати киндзитæн æма кизгуттæн
Сæ дзедзетæ-еу ку исцъæх уиуонцæ,
Гъе, Дигор-Хъабан уæд адтæн!
Се уазæгдонæбæл син ку нæ банвæрсинæ,
'Ма мæ егарти бууат уоми ку искæнинæ,
'Ма мæ Хъарабугъати æфсинттæ сæ уæлнихти ку бахæссионцæ.
Гъе, Дигор-Хъабан уæд адтæн!
Сау лотон бæгæни мин хæссун ку байдаиуонцæ,
Мæ цормæ ка 'ндеуидæ,
Етæ мæ цори ку лæууиуонцæ;
Ка не 'ндеуидæ мæ цори,
Йетæ ба мæбæл медæггони кæрæдзей тонун ку баидаиуонцæ,
«Мæнбæл банвæрссæнæй»**, – зæгъгæ.
«Дæуæй бабæй ци кæнуй, уотемæй»,
Гъе, Дигор-Хъабан уæд адтæн!
'Ма уордигки ку рацæуинæ,
'Ма мин мæ егарти бууæттæ иуазæгдонæмæ
Сæ нæуæгцуд киндзитæ ма кизгуттæ
Ку æрбатомар кæнионцæ:
«Æхуæдæг хъалти арми æфтуйуй,
Фал уæддæр махæн ба æ иннæ фæууиндмæ
Æ егарти бууат нæ фагæ уодзæнæй,
Гъе, Дигор-Хъабан уæд адтæн!
Уордигки рацæугæй мин нæуæг уард метбæл
Мæ нæуæг къахдзæфтæбæл
Нивтæ кæрдун ку баидаионцæ,–
Гъе, Дигор-Хъабан ба уæд адтæн!
Уордигки рацæугæй,
Дууæ доней астæумæ* ку бацæуинæ
'Ма ку нигъгъæр кæнун кæнинæ:
«Махкемамæ**, æримбурд уотæ!» зæгъгæ.
Ка не 'рцæуидæ, уонæй ба
Лæхъуæн æма кизгæ ку ниссатар кæнинæ,
Гъе, Дигор-Хъабан уæд адтæн!
Ма кæмæй ниссатар кæнинæ,
Йетæ ба мæмæ сау лотон бæгæни ма борæ нæлфуси хæтдзæ
Корæг ку æрбацæуиуонцæ,
«Ка фæцæй, уонæн гæнæн нæбал ес», зæгъгæ,
«Фал и баизайæггæгтæ ба дæ мадæ, дæ фиди иуазæг», зæгъгæ,
Гъе, Дигор-Хъабан уæд адтæн!

Радзурдта æй Тобойти Сандир Гуймани фурт, Ни 'й финста Дзагурти Губади. Киристонгъау. 4.04.1909  

ЦИГСИИ архив, фонд Дзагурова Г.А. оп.1, дело 1, ф. 22–24.

ДИГОР-ХЪАБАНИ ФУРТ АЙДАРУХЪИ ЗАР

Дигор-Хъабани фурт Айдарухъ адтæй,
Далæ Кæсæгмæ ку фæццудæй,
Уæд имæ Кæсæги æлдæрттæ рацæун не 'ндиудтоицæ.
Сæ тохъосаути имæ рарвистонцæ, 'ма син не 'рфестæг æй.
Устур æлдар и' всини гъæуи цардæй.
'Ма 'йиадæ ракастæй æхуæдæг, æрæйфестааг.кодта,
'Ма 'й сæ уæлнихтæ бахастонцæ æлдæрттæ,
Сæ фингитæ исестондæ, 'ма ин нæуæг фингитæ ивардтонцæ.
Дзоруй сæмæ:
«Мæ хæтдзæ уи йесге финги исбадæд!» — зæгъгæ.
'Ма си неке 'ндиудта.
Уæдта сæ йеу исбадтæй æ хæтдзæ,
'Ма 'й бафарста,— (фæреунæй айепп некæми йес) —
«Ци изæд дæ, ци идауæг дæ?»
«Изæд дæр нæ дæн, идауæг дæр иæ дæн,
Зæнхон лæг дæн, Дигор-Хъабани фурт Айдарухъ дæн».
Хуардтонцæ, ниуастонцæ.
Кæсæги æлдæртти æвсиндтæ, кизгудтæ ба имæ
Дуæрттæ-къæрæзгитæй кастæнцæ:
Ци дессаг æй? ци хуæрзконд æй.
Æ гурæбæл ин нивтæ кодтонцæ,
Æ къахдзæфтæбæл ин нивтæ карстонцæ,
Уотæ 'йимæ хицæ кодтонцæ,
'Ма ка йbтмæ æ дзедзетæ æвдиста,
Ка ба имæ æ дзиккотæ æздухта,
Ка ба имæ æ къох тилдта, мæнмæ рацо, зæгъгæ.
Цæун фæндæ искодта.
'Ма ин æ хæтдзæ усдур саугъатæ равардтонцæ:
Ка ин æхсгæ топп лæвардта,
Ка ин сугъзæринæй гъæст æхсаргард лæвардта,
'Ка ин саулох бæх æд саргъ, æд идонæ лæвардта,
Ка ин сугъзæрингун сахат лæвардта,
Ка ба ин æ къохбæл сугъзæринæ къохдарæн бакæнидæ,
Кæсдæрйеуæг кæнæг ба ин æ хæтдзæ адтæй Бадели:
Йе 'хуæрст куд адтæй, уотæ.
Ку 'рбацудайдæ,
Мæхчесги æмбурд ку кæнионцæ, уæдта 'й æмбурди
Кæрони бæхбæттæнæн дардта Баделий.
Гъинур ба Айдарухъ базæронд æй,
'Ма æмбурдмæ нæбал цæуй,
Кæсæнцæстæй ракæсуй 'ма Баделий ниууидта:
Æмбурди дуййех кæнгæ исцудæй æнæ 'рфестæгуогæй.
Йеци бон Айдарухъ загъта:
«Æ уæууæи, уæууæи, Дигорæ, Аидарухъуин оазæрондæи.
Æз æй бæхбæттæнæн ку дардтон,
Нур ба уин фестæг дæр ку нæбал кæнуй,
Æцæг уæмæ ку некебал йес, Дигорæ.
Уæдæй фæстæмæ Айдарухъ
Æмбурдмæ æ фу.р мæстæй нæбал цудæй.

Радзурдта æйКæлухти Елмæрза, Ни 'й финста Толасти Андрей.10.08 1927, Уæхъæц. 
ЦИНИИ-йы архив, фольклор № 15, папкæ 82, ф. 197—198.