Мӕ хори тунӕ.
Ӕз ба дин дӕ минкъий гоккӕ
Мӕ росбӕл ку февӕрун, -
Ӕдӕгитӕ, ухӕнатӕ! -
Иснӕуӕг ун, ӕрцӕрун!
Ӕз ба дин дӕ тункъур гаккӕ
Ампъез кӕнгӕ ку уинон, -
Мӕ зӕрӕн ӕ тӕхвад зӕнхӕ
Куд гъӕуама нӕ уарзон?..
Хори тунау царди арвӕй
Ку ӕрфестӕг дӕ мӕнмӕ, -
Ци изӕдтӕ, идаугутӕ
Ӕрбакувтонцӕ мӕмӕ!..
Кӕсун дӕмӕ, дестӕ кӕнгӕй,
Куд дессаг ӕй мӕ Хуцау :
Алке аул дӕр бедауй,
Ауӕй фӕлдевуй рӕдау!..
Дзурдуат :
тӕхвад, тӕхвадӕ - быстротечность; быстрый, короткий, быстротечный
аул - родители, ближайшие родственники
бедаун - разливать(ся),расширять(ся),увеличивать(ся)
ауӕ - энергия, сила
фӕлдевун - созидать, творить
рӕдау - щедро, милостиво
