Метин лæг

                                                                        Къибирти Амурхан

Уинги киндзæ - 
Метин лæг.
Цивзин финдз ин, -
Фесгун лæг.
Циллæ ходæ -
Фусдзарæй.
Уорс бецъотæ
'Здухт даруй.
Сау цæститæй 
Ирд кæсуй.
Сах ирдгитæй
Нæ тæрсуй.
Тъæфил мет ибæл
Уаруй, - 
Æхе меднимæр
Заруй.

Æхсæрæцъеу

Мæ мингий цъеу - æрвадæ,
Мæ усхъæбæл æрбадæ.
Ехæни ниббизирд дæ,
Мегъæмæ ниййидзирд дæ.
Нæмгутæ дин - мæ урзи!
Уонæй фулдæр ци уарзи!
Имисæ идзулд сæрдæ, -
Хъæнделтæ, хъæбузатæ...
Уинæ бал сæ дæ фуни
Гæдзæ кæнæ де' рхуни.