Кæма радзордзæн мæ чини,
Ка мин ратдзæнай æгъдау,
Кæмай ракордзæн ма тухсти,
Æназдахгæ мулк æвстау?

Нӕ фиддӕлтæй загъд байзадæй, 
Уосиат кодтонцæ цæмæ? 
Хуӕри зæрда æнсувармæ, 
Æнсувæр ба гъæдамæ…

Нæ фæллайуй хуæри зæрдæ
Æнсувæр уарзун некæд,
Æнсуваран хуари зæарди,
Ес фæлмæн бунат алкæд.

Хуӕри сагъӕс Мади фӕдзӕхст,
Хуæри катай æ гъуддаг;
Æнæ сдзоргӕ зæрдæ коруй 
Æнсувæрӕн раст фæндаг.

Мади фӕсте, æнамæнгӕ
Æнсувæри хуари дзурд,
Разӕнгард, зæрдигъал кæнуй
Ӕ хуарз салам, ӕ рохс кувд.

Фиди хӕдзарӕй рахезгæй
Æнсувӕрӕн ес бунат,
Хуæри дуар алкæд игонæй
Рæссугъд гъудконд æй æ уат.

Уарзон зæрдæй фæдзахститæ
Мадау фæлмæн цæсти суг,
Ку бантæсуй еуай еухат
Хуæри размæ æстæн цуд.

Ку бантасида мæ доги
Хуарз бахатун тæходуй
Зонун ме ҆нæрцæф миутабæл
Уарзгæ зæрдæ нæ ходуй...

Уод ирӕзуй хӕрдмӕ цӕугӕй
Бунмӕ ивазуй бауӕр,
Нӕ федаунца фӕндагбӕл
Уотӕй алкӕд сӕ уавар.

Ке ши фарс лаууон нӕ зонун
Дуйемай дӕр ӕнцӕ мæн…
Еуей сæрбæл ку исдзорун
Уӕд иннӕ фӕрсуй цӕмæн?

Бӕргӕй лӕдӕрун мӕ зундӕй,
Уоди фарс дӕн лӕууйнаг,
Фал фӕттухгиндӕр уй бауӕр-
Ӕнӕхъаурӕй адӕймаг.

Бӕнттӕ тӕхунцӕ, евгъуюй
Рӕстӕг, адӕймаги цард;
Разай над кӕнуй цубурдӕр
Зӕрди ба хезуй ӕнкъард

Кацӕй райсон уоди хъаурӕ
Бауӕрӕн дӕттгӕй нихкъуӕрд
Ӕфстау райсун ӕй ненгъезуй
Мӕ котенг цӕудзӕй ӕфхуӕрд

Чи жин уаргъ ӕлхъевуй уоди
Анхос цӕмӕннӕ коруй;
«Ӕфхуӕрд адӕймаги гъӕлӕс
Хелаги комӕй дзоруй…»*


*Дигорон адӕмон дзурд