Хор - кизгӕ

Дзагурти Дигорхан

Тъӕбӕрт - тъӕбӕрт, къӕхтӕ къуӕргӕ,
Дидингути рохс хӕсгӕ,
Рагуалдзӕги ирд къӕртрӕзти
Ӕрфестӕг ӕй хор - кизгӕ.

Ци рӕсугъд ӕй, ци рӕмон ӕй,
Цӕсти 'нгаси - зӕрин мон,
Нихас хӕссунцӕ изӕдтӕ -
Аци кизгӕ дигорон...

Уоди кондӕй - еси ауӕ,
Уонхи хъаурӕй - нӕргӕ арв.
Тӕходуйтӕ ин ӕ фарнӕй
Ис цӕй уолӕфисӕ арф !

Ба си 'фсадӕ дун - дуйнетӕ,
Куд кӕнонцӕ дзӕгӕрӕг,
Ӕ кадӕн ин, ӕ уарзтӕн ин
Ӕрковисӕ , цит , ниллӕг!


                                                     

Хор-кизгуттӕ Алборти Зарини конд