МАМУКЪАТИ КАЗБЕГ

Уалдзæг-Киндзæ

Ӕрцӕуӕд уалдзӕг-киндзӕ,
Хумидайӕн – дзубур,
Ниццӕйзарӕд уадиндзӕ,
Ӕрцӕйцӕгъдӕд фӕндур! 

Ци хӕстӕг, ци изол дӕ,
Мӕ байдауӕн, адзал?,.
Ду ме ‘нцойнӕ, мӕ уод дӕ,
Мӕ игас, мӕ игъал. 

Ци уалдзӕг дӕ, ци киндзӕ,
Ци уинддуг, зӕллангмур?!.
Ниццӕйзарӕ, уадиндзӕ,
Ӕрцӕйцӕгъдӕ, фӕндур!.. 

23.11.2023


* * *
Сайнæг стъалу, цæмæннæ фæззиндтæ,
Хай дин ма уа муггагмæ цæстæй! –
Ниууорс æнцæ зумæги цæститæ
Цъæх уалдзæгмæ æнгъæлмæ кæсгæй. 

О мæ хъонц, мæ тæходуй, ма ʻрсæйæ,
Ма бавзáрæ асæги ахæр, –
Багъар уо, Æнхъерæни карз мæйæ,
Дæ гъарæй куд багъар уæн мах дæр!.. 

03.02.2023

УАЛДЗÆГ 

Уалдзæг æ цъæх цæстæ, 
кæсай, никъолуй, —
хорæй æ къæртрæзтæн 
лæфинттæ коруй. 

Нискъудтæ ’нцæ мегътæ
лæфинтти гъарæй, — 
цъæх арв и уæлтегътæ
кæсуй дзæгъарæй. 

Райгъал æй æмбойни,
байдзулдæй мæ гъæу, —
лæдзæги æнцойни 
растадæй хъæрæу. 

Тикис и уæлтъæрæ
æ ком ивазуй, 
æхе томаргæнгæ
æндæмæ ласуй. 

"Гъæйтт-мардзæ!" — фегъустæй, 
æрвти дуар — игон, 
мæ гъæу мегъи дусæй 
сæрфуй æ цæсгон. 

Фезмалдæй гъæунгæ, 
фицуй бабæй цард, —
æрцо, зелгæдунгæ,
фесæфæ, æнкъард!



                   * * *
О весна, не потуши
Крылья-искры боли-песни, –
Пёрышко моей души
Кру́жит в тонком Поднебесье,
Целованьем низ и высь,
Ширь и даль лелеет, нежит, –
В звоне вешнем оперись,
Воспари, душа-подснежник!.. 

04.03.2023