Дзагурти Дигорхан

Агла - догла

Агла - догла фӕттӕхуй,
Ӕ рони ба ци хӕссуй?..
Ӕ рони ба - аргъӕуттӕ,
Сӕхуӕдтӕ ба - рагӕнттӕ!..

Ба си найӕ ӕрвилбон,
Дестӕ кӕндзӕй дӕ цӕсгон!..
Дӕ зунд кӕндзӕй тӕмӕнтӕ,
Дзиггай агӕ ӕзмӕнтӕ!..

Дӕ дусти си ӕвгӕнӕ,
Хорбадӕнтӕ ӕркӕнӕ!..
Тикистӕ дин - ӕмбӕлттӕ,
Ӕстӕрунцӕ дӕ фӕдтӕ!..

Фудхуссинӕн - аглатӕ,
Тункъуртӕн ба - доглатӕ!..
Пуцикъитӕн - базуртӕ,
Сӕ тӕхӕнтӕн - уавӕртӕ!..

Сувӕллӕнттӕ - аглатӕ,
Сӕ къӕлкъӕлтӕ - доглатӕ !..
Цитӕ бабӕй имисун?..
Сабий ӕрвити тӕхун!..