Арс мурай муд нæ еруй
Æстæруй æ дзæмбу,
Нур арси маст исберæ’й,
Агоруй æ сæмбу.
Арс берæгъи æрфæрсуй:
-Ци фæцæй мæ сæмбу?
Арс берæгъæй нæ тæрсуй,-
Устур æй æ дзæмбу.
Ахургонд тикис.
Еу, дууæ, æртæ, цуппар –
Ахургонд тикис – æлдар!
Ци ’й финсун ‘ма ци ’й кæсун, -
Зонæ мистæ ахæссун!
Къæхтæ
Надбæл цæунцæ даргъ къæхтæ
Устур ампъезтæй – тъæпп, тъæпп!
Минкъий къæхтæн сæ къахдзæфтæ
Тæрхъос
Гъæдрæбун бадуй тæрхъос,
Ци зир-зир кæнуй æ гъос!
Метбæл бадгæй, исуазал æй,
Æхе кеми ку нæбал æй.
Исистадæй мети рагъæй,
Гъеуæддæр æ къах не сгъар æй,
Кадæр имæ фмххæпп ласта,
Фæттарстæй ‘ма рагæпп ласта,
Фæххаудтæй тæрхъос хæпболти,
Исгъар æй, ледзгæй и къолти.
***
Ци рæсугъд дæ, нæ сурх бæх,
Исæртайдзæн дæ дзæбæх.
Дæ идонæбæл хуæцун,
Мæ саппойнæй дæ æхснун.
