ИРÆФ
Ирæф айсоми
Устур æй.
Нæруй и коми
Гур-гурæй.
Тундзуй, - æ гъуди
Будур æй,
Кæлуй ивулди
Æ хъурæй…
ДИГОРГОМ
Сæумæ – хуæнхбæсти,
Рохс, уазал.
Ма уæд а-бæсти
Фуд, адзал.
Ирæф – æ карзи,
Гъæр, цæхъал.
Цæрун фæразæ! –
Гъæу – игъал.
Тæрсун бæлæстæн
Цæстудæй.
Цъететæй цæстæ
Рæвдуд æй.
Изæддон арв нин-
Дæ цæсгон!
Нивдулæ царви,
Дигоргом!
МАДÆ
Арви бунмæ адæймагæн
Мадæй адгиндæр нæййе.
Деденæгау уарзон мадæ
Исрасугъд кæнуй дуйне.
Ка базонуй мади æда,
Уæхæн загъд фæккæнуй е:
- Махе мадæй хуæздæр мадæ
А дуйнетæбæл нæййе!
БАБУЗТÆ.
Фудаг кæнунцæ нæ бабузтæ,
Гъæунг саразтонцæ тургъæй,
Къуми ссирдтонцæ гæлст харбузтæ,
И зæнхæ сцагътонцæ сурхæй.
«Бип-бип», «бап-бап», - е дин уæ зæрдæ,
Е дин зæрдæ нæфал уæ конд.
Е нин – уе стурдæр лæваргонд!
Ци нæй уæ фид, уой æй уæ хуæрдæ…
ФУС
Рандæ кæнæ дæ сиутæ, фус,
Кæрдæг хуæрæ, скъунис мæ дус!
Дæ сæр дуарбæл кæнис къубус.
Мæнмæ ма ’взед æ æгæр зуст.
***
Куй тæрхъосæн хай хæссуй;
Фид æма уорс цæнхæ.
Фид тархъосæн нæ бæззуй, Агоруй бор æпхæ.
