ГЕГКИТИ СОСЛАН
УОРСДОНИ БИЛӔБӔЛ
Ӕд сур-сур ӕма хӕл-хӕлтӕ
Гъазуй базуртӕй цӕхъал.
Ковӕги арфӕ – ӕ зӕлтӕ,
Сонт зӕрдӕн исунцӕ 'мбал.
Искарз кӕнуй дон ӕ уадӕ,
Уолӕн уолӕнбӕл ӕхсгӕй,
Зар нийвазуй, ӕвӕлладӕй
Дорти ростӕ ӕхснӕнгӕй.
Ӕртайунцӕ сувӕллӕнтӕ
Сатӕг дони сӕ фӕндон -
Ӕртавунцӕ и хорбӕнттӕ
Ӕнӕвгъауӕй сӕрдигон.
Сабийдогӕн исӕмбал дӕ,
О, Уорсдони цъӕх билгон!
Мӕ рагсӕнттӕ дӕ цӕхъалти
Раевгъудӕнцӕ дон-дон.
Ӕд сур-сур ӕма хӕл-хӕлтӕ
Гъазуй базуртӕй цӕхъал.
Ковӕги арфӕ – ӕ зӕлтӕ,
Мӕ зӕрдӕн иссӕнцӕ 'мбал.
2015 анз
