БАСИЛТИ ЗАР
(Адæмон зармæ гæсгæ)
Уæ, Басилтæ, хуарз Басилтæ,
уæ гудун пецæй ма ратолæд,
уæ губун десæй ма ратонæд!
Уæ, Басилтæ, хуарз Басилтæ,
нæ цийнæбæл нин баходетæ,
уæ фингæмæ нæ бахонетæ!
Уæ, Басилтæ, хуарз Басилтæ,
уæ гудур дуарæй æресетæ,
нæ цубур зармæ игъосетæ!
Уæ, Басилтæ, хуарз Басилтæ,
уæ дадай зæронд даргъ разара,
уæ хуарз цауæйнон саг рамара!
Уæ, Басилтæ, хуарз Басилтæ,
тæрна уин кæд ес – уосгин исуа,
къурма уин кæд æй – гъосгин исуа!
Уæ, Басилтæ, хуарз Басилтæ,
уæ минкъий кизгæ мулк иссера,
уæ минкин киндзæ фурт ниййера!
Уæ, Басилтæ, хуарз Басилтæ,
фий ивазгутæн даргъ фийтæ уа,
уæ иуазгутæн даргъ фингæ уа!
Уæ, Басилтæ, хуарз Басилтæ,
уæ мингий сæгъæн сикъатæ уа,
уæ финги рæгъæн стур кадæ уа!
Уæ, Басилтæ, хуарз Басилтæ,
кади ниуазæн арахъ, дан, уæд,
уæ хуарз иуазæг ма рахъан уæд!
Уæ, Басилтæ, хуарз Басилтæ,
æндæмæ нæмæ ракæсетæ,
Нæ Басили хай рахæссетæ!
Уæ, Басилтæ, хуарз Басилтæ,
уæ пеци дортæ рагæлдзетæ,
уæ пенсий мортæ радæдтетæ!
Уæ, Басилтæ, хуарз Басилтæ,
Кæд нæ хонетæ – бахонетæ,
Кæд нæ соретæ – расоретæ!
Уæ, Басилтæ!..
Басилти мæйæ (январь) – от слова «басилтæ», произошедшего от имени Василия Великого, день памяти которого приходится на 1 января по старому либо на 14 января по новому стилю. Поэтому январь называют и месяцем Василия. Басилтæ – одновременно название колядок и ритуальных лепешек в виде фигурок людей, животных, предметов, которые пекутся в честь праздника Нæуæг Бон (аналогичного Новому году).
