КÆСУНИ КИУНУГÆ

Райдайæ скъолæй

Дуккаг къласæн

1946

Уæлдæфон флот

Хъæбæр бæрзæндти, хъæбæр идæрдтæмæ æма хъæбæр тагъд тæхуй хуадтæхæг.

Советон Цæдеси тæхгутæ Чкалов, Байдуков æма Беляков фæттахтæнцæ, æнæ 'рбадгæй, Мæскуйæй Цæгати полюси сæрти Цæгат Америкæмæ.

 Валерий Чкалов

Еци фæндагбæл фиццагдæр айдагъ советон бæгъатæр тæхгутæ ратахтæнцæ. Дуйней адæм дес кодтонцæ советон бæгъатæр тæхгутæ Громов, Юмашев æма Данилин, дуйнейон дууæ рекорди коккинаки радтгæй...

Андрей Юмашев

 Михаил Громов

 Сергей Данилин

Советон тæхгутæ æма Бряндинский Мæскуйæй Владивоостокмæ нихъæрттæнцæ 24 сахаттемæ æнæ 'рбадгæй. 

Советон хецауадæ аци бæгъатæр тæхгутæн равардта Советон Цæдеси Геройти ном æма Ленини ордентæ. 

Силгоймаг тæхгутæ Осипенко, Ломако æма Раскова æрмæст дони æрбадæн кæмæн ес, уæхæн аэропланбæл фæттахтæнцæ æнæ 'рбадгæй Севастополæй Архангельскмæ.

 Полина Осипенко

Еци аэроплантæ æнхуæцæй дæр конд æнцæ нæхе советон заводти, советон æрмæгæй.

Устур хъаурæ, бæгъатæр æма арæхстдзийнадæ равдистонцæ нæ тугъдон тæхгутæ геройтæ  капитан Гастелло Н.Ф., Талалихин В.В. , Цоколати Г.А. æма æндæртæ, фашмстти нихмæ тохгæй.

 Виктор Талалихин

Гастелло знаги нихмæ тох кодта. Знаги дзармадзани нæмугæй Гастеллойи хуæдтæхæг иссугъдæй. Гастелло æхе сæр фæйервæзунбæл нæбайархайдта. Е уидта знаги бензини æма тохæндзаумаути скълад, берæ танкитæ мма гитлеронти дзугур.

Николай Гастелло

Æ содзгæ хуæдтæхæги Гастелло уордæмæ исаразта. 

Артæй ниггупп ластонцæ знаги скъладтæ. Берæ танкитæ æма гитлеронтæ фесавдæнцæ еци рауæн. Гастелло æхуæдæг дæр рамардæй. Е æ цард нæ бавгъау кодта æма'й равардта Фидибæсти сæраппонд. Фæллойнæгæнæг адæм некæд феронх кæндзæнæнцæ герой Гастеллойи ном.

Советон уæлдæфон флот нæ социалистон бæсти гъæуай кæнуй знæгтæй: ниддæрæн кодта цъаммар лæгхуар фашисти. Хъæбæр берæ агъаз кæнунцæ аэроплантæ не стур социалистон хæдзарадæн, лвсунцæ почтæ, пассажиртæ, алии хузон уæззау дзаумаутæ.

Æгас цæунтæ нæ уæлдæфон флот æма нæ бæгъатæр тæхгутæ!

Аци æрмæг исаразта Алборти Зарина