Тамати Таймураз
ХОНХӔЙ БУДУРМӔ
Дигорӕн, ӕнӕбари, хуӕнхбӕсти цӕргӕ ку рауадӕй, уӕд сӕ цардиуагӕ хуӕнхаг ӕрдзи хӕццӕ ӕнгон исбастонцӕ. Еци ӕдас ӕма ӕвадуат рауӕни кӕд фонси куст ӕма зӕнхи куст кӕнун ӕнцон н'адтӕнцӕ, уӕддӕр сӕ ӕнтӕстгунӕй кӕнун райдӕдтонцӕ.
Арӕх сӕ цӕститӕбӕл рагъазидӕ, кӕддӕр ци берӕ адтӕнцӕ, цӕйбӕрцӕ зӕнхитӕ сӕмӕ адтӕй, куд хъаурӕгин адтӕнцӕ - басӕттуни амал син куд надтӕй... Фал уӕхӕн зинтӕ бавзаргӕй ӕма сӕ кӕстӕрти федӕнбӕл гъуди гӕнгӕй, ауӕхӕн уавӕрти цӕрунбӕл дӕр Хуцауӕй арази адтӕнцӕ. Сӕ нифс нӕ басастӕй. Кустуарзон адӕн, кӕрӕдзей лӕдӕргӕй, сӕ исони хуарз цардмӕ бӕлдтӕнцӕ ӕма ибӕл зӕрдиуагӕй архайгӕ дӕр кодтонцӕ. Рӕстӕг цудӕй ӕма фарнӕ хаста. Адӕни бӕрцӕ фулдӕрӕй-фулдӕр кодта. Зӕнхитӕ син Дигоргоми нӕбал фагӕ кодтонцӕ ӕма адӕн тухсун райдӕдтонцӕ. Ескӕмӕн биццеу ку райгуридӕ, уӕд ибӕл бийнонтӕ, кизги райгурдӕй, хъӕбӕрдӕр цийнӕ кодтонцӕ. Еуемӕй - биццеу ӕ фидӕн уӕззау куститӕ кӕнунмӕ анхосгӕнӕг уодзӕй, иннемӕй ба ин ӕхсӕнадон царди уагмӕ гӕсгӕ ӕмбалдӕй цӕрӕнуатӕн зӕнхи гӕппӕл райсуни барӕ.
Еци дзамани берети зӕрдитӕ ӕхсайун райдӕдтонцӕ будури ӕдзӕрӕг зӕнхитӕмӕ. Будури зӕнхитӕ ма уӕд Кӕсӕги дӕлбарӕ адтӕнцӕ.
Нӕ фиддӕлти царди медӕгӕ ба ниффедар ӕй уӕхӕн фӕткӕ. Бийнонтӕ сӕ кӕстӕрӕн царди ’нбал ку агориуонцӕ, уӕд архайдтонцӕ, цӕмӕй сӕ нӕуӕг хӕстӕгути бийнонтӕ сӕхецӕй мӕгурдӕр ма адтайуонцӕ. Гъеууотемӕй, мӕгурдӕр цӕрӕг бийнонтӕ сӕхе хузӕн мӕгурти хӕццӕ бахӕстӕг кӕниуонцӕ. Рӕстӕмбес цӕрӕг бийнонтӕ ба - рӕстӕмбес цӕрӕг бийнонти хӕццӕ, гъӕздугути кӕстӕртӕ ба гъӕздуг бийнонти хӕццӕ. Гъӕздугути равгитӕ хуӕздӕр ке адтӕнцӕ, уомӕ гӕсгӕ, арӕх, ӕндӕр рауӕнтӕй ӕма ӕндӕр адӕнихӕттитӕй дӕр сӕхецӕн хӕстӕгутӕ равзариуонцӕ. Гъе, уотемӕйти Дигорӕ ӕма Кӕсӕги гъӕздугути ӕхсӕн тогӕй хӕстӕгдзийнадӕ парахат кодта. Кӕсгон ӕлдӕрттӕ хуарз зудтонцӕ, Дигорӕн зӕнхитӕ ке нӕ фагӕ кодтонцӕ, уой. Зӕнхӕ алкӕддӕр хъазар адтӕй. Арӕх ба ибӕл тохун дӕр багъӕуидӕ, уомӕ гӕсгӕ кӕсгон ӕлдӕрттӕ сӕ тогхӕстӕг дигорон ездӕнттӕн зӕнхи гӕбазӕ радтунмӕ, кенӕ рауӕйӕ кӕнунмӕ, тагъд нӕ кодтонцӕ. Фал уӕддӕр, рӕстӕг ӕ кӕнон кӕнуй ӕма хеуонмӕ уарзондзийнадӕ тухгиндӕр разиндтӕй цӕлӕмбуд мулкдзӕстӕдзийнадӕй. Кӕсгон ӕлдӕрттӕ Баделиати ездӕнттӕн сӕ берӕ зӕнхитӕй багендий радтунмӕ исагкаг кодтонцӕ дессаги рӕсугъд бӕстихай - Кет. Кет лӕууй дууӕ цӕугӕдоней (Ирӕф ӕма Хӕзни) ӕхсӕн. Аци дууӕ рӕсог цӕугӕдони Кети буни баеу унцӕ ӕма Кети бӕстихаййӕй рауайуй сакъадах. Кет ӕй ӕссон дзурд. Дигорон ӕвзагмӕ ратӕлмаци кӕнгӕй ба амонуй - рандӕ уо, исуӕгъдӕ кӕнӕ.
Аци рӕсугъд бӕстихаймӕ XVII-аг ӕноси Дигоргомӕй берӕ адӕн ралигъдӕй. Лигъд адӕн ӕрцардӕнцӕ Кетӕн ӕ дӕллаг хаййи рагъбӕл. Сӕ гъӕу ба исхудтонцӕ Мосгъӕу. Гъӕуи ном баст ӕй дзурд «мос»-и хӕццӕ. Мос хуӕнхбӕсти адтӕй, хуар ӕма мӕнӕуӕ кӕми инайӕ кодтонцӕ, уӕхӕн лигъз-тъӕпӕн зӕнхи гӕппӕл. Ӕма, ӕцӕгӕйдӕр, Кетӕн ӕ уӕллаг хаййи ци устур тъӕпӕн фӕзӕ ес, е устур моси хузӕн ӕндзӕр ӕй. Мосгъӕу архивти ӕрмӕгути уруссагау финст ӕрцудӕй Мускау. Уруссагау финст дигорон дзурдтӕ ку кӕсай, уӕд арӕх дамугъа «а» кӕсун багъӕуй куд «ӕ», уотӕ, «в» ба - куд «у», уотӕ, «к» ба - куд «хъ», уотӕ. Гъе, уомӕ гӕсгӕ, Мосгъæуæй кедӕр «фӕрци» рауадӕй Мусгъӕу (Мусхъӕу).
Еци дзамани, еске зӕнхитӕбӕл ӕрцӕрун ӕдас куд надтӕй. Фал, гъӕу дууӕ устур цӕугӕдоней астӕу ӕвӕрд ке адтӕй, дӕнтти билгӕрӕнттӕ ба хъӕбӕр бӕрзонд, уомӕ гӕсгӕ имӕ ӕцӕгӕлонӕн уотӕ ӕнцон бацӕуӕн надтӕй. Ирӕфи арф донбӕл бахезунмӕ мадзал надтӕй. Хӕзнӕбӕл бахезунмӕ ба, бӕхгин донӕн ӕ тӕнӕгдӕр рауӕн агурдта. Уӕхӕн рауӕнтӕмӕ ба Кеттонтӕ се 'нгӕс дардтонцӕ. Кетӕн ӕ уӕллаг устур тъӕпӕн фӕзи ба гъӕубӕсти адӕн зӕнхи куститӕ кодтонцӕ. Гъӕдӕ ӕма гъӕдрӕбунтӕ ба гъӕуи фонсӕн хезнӕ адтӕй. Кетӕй сауӕнгӕ бӕрзонд хуӕнхти уалӕнгӕ ци гъӕдӕ ес, уоми ба адтӕй аллихузон цӕрӕгойтӕ: тӕрхъостӕ, рӕубестӕ, ӕрситӕ, сӕгтӕ, тускъатӕ, дзӕбодуртӕ ӕма ӕндӕр сирдтӕ. Аци гъӕди гъӕддаг сирдти баридауӕг Ӕфсатий цауӕйнӕнтти ӕ лӕвӕрттӕй хуарз рӕвдудта ӕма си алкӕддӕр боз уиуонцӕ.
Дессаг ба ма е ӕй, ӕма аци рӕсугъд бӕстихаййи задӕй, ӕма си нур дӕр зайуй берӕ аллихузон, хуӕрунмӕ бӕзгӕ, гагарӕзӕ зайӕгойтӕ: сурх ӕма сау дорвӕткъу, уӕгъӕли, турту, гъӕддаг кӕрдту, лискъӕф, нинӕгъ, дзӕдурӕ, ӕхсӕрӕ, могӕ, муркъӕ, тӕкъузгӕ, тӕрситӕ ӕма ӕнд.
Кетӕн ӕ рӕбун дууӕ рӕсог цӕугӕдонеми адтӕй аллихузон кӕсӕлгитӕ. Ирӕфи дони ба ма фӕстаг тугъди хуӕдразмӕ кӕфтӕ дӕр ахӕстонцӕ.
Куд исбӕлвурд кодтан, уотемӕй аци дессаги рӕсугъд бӕстихаймӕ Дигоргомӕй ралигъдӕнцӕ муггӕгтӕ:
Айдартӕ
Бичилтӕ
Гъуцунатӕ
Араптӕ
Бузартӕ
Дзагуртӕ
Аркъалтӕ
Гагостӕ
Дзустӕ
Аркъаутӕ
Гадатӕ
Жидатӕ
Бабочитӕ
Гажетӕ
Запойтӕ
Багъӕратӕ
Галатӕ
Кертантӕ
Барцӕгтӕ
Гамазтӕ
Кургъостӕ
Батотӕ
Гузантӕ
Лагкутӕ
Берустӕ
Гулдитӕ
Лутитӕ
Бибатӕ
Гучитӕ
Майрӕнсаутӕ
Бичерахтӕ
Гъӕргинтӕ Мӕрзойтӕ
Мудойтӕ
Тургитӕ
Хъарадзаутӕ
Сангуртӕ
Тускъатӕ
Хъӕбӕлотӕ
Сӕбантӕ
Тухайатӕ
Хъузетӕ
Собитӕ
Хабайтӕ
Цоритӕ
Тӕтонтӕ
Хатъатӕ
Чегемтӕ
Тотойтӕ
Хутӕ
Тугъуртӕ
Хъаиртӕ
Мосгъӕуи ӕрцӕрӕг адӕнӕн ӕрдзон фадуӕттӕ сӕ зӕрдӕмӕ ӕнӕуагӕ фӕццудӕнцӕ. Кустфӕлтард адӕн сӕ дустӕ бахаттонцӕ ӕма хӕдзайрадон куститӕ кӕнуни тонхи бацудӕнцӕ. Сӕ хъиамӕттӕ сӕ цардбӕл хуӕрзӕрдӕмӕ бадун райдӕдтонцӕ. Анзӕй- анзмӕ сӕ цард гъӕздугдӕр ӕма фӕрнгундӕр кодта. Зундгонд балцигӕнӕг Л. Штедер 1781 анзи ӕхе цӕститӕй фӕууидта Мосгъӕу. Мосгъӕуи туххӕй Л. Штедер финста:
- Большое, хорошее и удобное село. В нем Деревянные строения, сады, поля, особенно хороши пастбища и здешний табак, который в горцы считают наилучшим.
1808 анзи ба Мосгъӕумӕ исцудӕй зундгонд немуцаг ахургонд, академик Ю. Клапрот. Клапрот Мосгъӕу ӕма мосгъӕуггӕгти туххӕй финста:
– Жители здесь живут богаче и зажиточнее горцев. Их урожай обычно так обилен, что они могут продавать большую часть своего хлеба дигорцам, живущим высоко в горах. Так как леса на левом берегу Уруха дают прекраснейшее дерево, то жители Мускава в противоположность осетинскому обычаю построили свои дома из дерева.
Клапроти финсти туххӕй нӕ бон ӕй зӕгъун. Будури хуӕнхбӕсти хузӕн берӕ дортӕ нӕййес. Дор будури алкӕддӕр гӕзӕмӕ адтӕй. Мосгъӕуггӕгтӕ хӕдзӕртти бундортӕн дортӕ Ирӕф ӕма Хӕзни билгӕрӕнттӕй хастонцӕ. Дор ке нӕ фагӕ кодта, уомӕ гӕсгӕ ба хӕдзӕртти фӕрстӕ гъӕдӕй аразтонцӕ. Хӕдзарӕ дорӕй аразуни ӕгъдау Кеттонтӕ барӕй не халдтонцӕ. Зудтонцӕ, хе багъӕуай кӕнунмӕ дорӕй арӕзт хӕдзари фадуӕттӕ хуӕздӕр ке'нцӕ, удта ибӕл зинг бафтаун дӕр берӕ зиндӕр ке ӕй, уой.
Малити Геуӕрги ӕхе цӕститӕй нӕ фӕууидта, Кеттонтӕ куд цардӕнцӕ, уой. Ци фегъуста, уой туххӕй ба поэмӕ «Темур-Алсахъ»-и финста:
Йеухатт хорбадӕни и Кет
Студта уӕлфингӕ берекет.
Кодта хебари бӕрӕгбон,
Кодта мийнасӕ ӕ фӕндон.
Ивулд бӕгӕни ӕд арахъ,
Цудӕй ӕ цийнӕ идтӕг сахъ,
Рӕнгъӕй уагътонцӕ гагидау...
Дигорӕнтти фӕрнӕйдзаг цард, Кӕсӕги зӕнхӕбӕл, берети зӕрдитӕмӕ нӕ цудӕй. Еуетӕ сӕмӕ хицӕ кодтонцӕ, иннетӕ ба соцъа.
Сӕ цори ӕндӕр дигорон гъӕутӕ ке н'адтӕй, уомӕ гӕсгӕ ба сӕмӕ беретӕ сӕ нифс хастонцӕ. Сӕ фонс ӕма син сӕ мулк сосӕггити давтонцӕ. Кеттонтӕ сӕ зӕнхитӕбӕл багендий ихӕс фистонцӕ, фал ма си уӕддӕр, кадӕртӕ хецӕн хъалон дӕр агурдтонцӕ. Еузагъдӕй, Кеттонти синхӕгтӕн бафсӕдуни амал нӕбал адтӕй. Аци гъуддаг Кеттонти зӕрдӕмӕ нӕ цудӕй, фал гӕдзӕ кодтонцӕ. Зудтонцӕ, ке уӕрдуни бадай, уой зар кӕнгӕ кей, уой.
Иуазӕг хуцауи иуазӕг ке ӕй, уой дӕр Кеттонтӕ хуарз зудтонцӕ, фал ӕй еухатт ба «барӕй» фехалдтонцӕ. Мосгъӕуи фӕсевӕд баунаффӕ кодтонцӕ:
- Кӕсгӕнттӕ хъалон есунмӕ ку исцӕуонцӕ, уӕд син хӕрӕги фид бахуӕрун кӕнӕн. Кӕд, уотемӕй «естӕмӕй» бафсӕдиуонцӕ, зæгъгæ.
Мосгъӕуггӕгтӕ, ӕцӕгӕй дӕр, уотӕ бакодтонцӕ. Ӕлдари хъалондзаутӕ ку исцудӕнцӕ, уӕд син фусунтӕ еблагъуӕ загътонцӕ ӕма сӕ фингӕбӕл ӕрбадун кодтонцӕ. Фингӕбӕл бадти рӕстӕг иуазгутӕй еу бафеппайдта фусунтӕй еунӕг дӕр фидмӕ ке не ’вналуй, уой, ӕма фусунтӕмӕ дзоруй:
- Алкӕддӕр уӕ фингӕбӕл сӕр ку февӕретӕ, уӕд ӕй нур цӕмӕннӕ ниввардтайтӕ? Фусунтӕй ин еу дзуапп равардта:
- Сӕр устур ӕй ӕма тарстан, уе 'сцудмӕ ку не 'сфица, - зӕгъгӕ, ӕма уомӕ гӕсгӕ фингӕбӕл ӕвӕрд нӕй.
Иуазгутӕ сӕбӕл нӕ баууӕндтӕнцӕ ӕма усхъӕзӕй фусунтӕн загътонцӕ:
- Уӕддӕр ӕй рахӕссетӕ, мах ба зонӕн, цӕй фид хуӕрӕн, уой.
Фусунтӕн гӕнӕн нӕбал адтӕй ӕма иуазгути размӕ ӕнаруд, зӕронд хӕрӕги устур сӕр рахастонцӕ. Иуазгутӕ уой ку фӕууидтонцӕ, уӕд фингӕй рагӕппитӕ кодтонцӕ ӕма дамбацатӕй хӕрдмӕ гӕрӕхтӕ кӕнун райдӕдтонца.
Гъӕубӕсти фӕсевӕд хуарз зудтонцӕ иуазгути нӕрӕмон миутӕ ӕма алцӕмӕ дӕр цӕттӕ адтӕнцӕ. Сӕ топпадзагъди гуппитӕй иуазгути гӕрӕхтӕ уайтагъд басабур кодтонцӕ. Гъеууотемӕй, хъалондзаутӕн фиццаг хатт сӕргубур ӕма стонгӕй сӕхемӕ цӕугӕ рауадӕй (Аци хабар фегъустон, сӕ фиддӕлтӕ Кети кӕмӕн цардӕнцӕ, нур ба - Мӕздӕги, уӕхӕн зӕронд лӕгтӕй).
Еу бон ба Азнауртӕй ӕлдар ӕ къуари хӕццӕ Мосгъӕуӕй ӕхецӕн, косӕгӕн, биццеу радавта (ӕндӕр тауӕрӕхъмӕ гӕсгӕ ба кизгӕ). Цалинмӕ фӕдесонтӕ ӕмбурд кодтонцӕ, уӕдмӕ фудгӕнгутӕ сӕ бӕхтӕбӕл Хӕзни дони уордӕг фӕцӕнцӕ. Куддӕр бӕхгинтӕ нури Хӕзнидони гъӕуи ӕрдӕмӕ фӕххард кодтонцӕ, уотӕ сӕбӕл Кеттонтӕ топпадзагъд исаразтонцӕ. Ӕлдар ӕма æмбӕлттӕ кӕд уӕззау цӕфтӕ фӕцӕнцӕ, уӕддӕр ма син бантӕстӕй Азнауртӕмӕ нихъхъӕртун.
Фудгӕнгути разамонӕг ма куддӕртӕй сӕхемӕ нихъхъӕрттӕй удта рамардӕй. Ӕлдари рамардбӕл берӕ рӕстӕг нӕма рацудӕй, уотемӕй ин ӕ ахил Мосгъӕуӕй сӕ «маст» есун райдӕдтонцӕ. Кӕсӕгӕй Мосгъӕумӕ ракӕнуни лӕбурдтитӕ фулдӕрӕй-фулдӕр кодтонцӕ. Аци лӕборгути туххӕй Малити Г. поэмӕ «Темур-Алсахъ»-и финста:
Кӕсуй и гъӕумӕ Дзасболат,
Зилдӕй истуй ибӕл ӕфсад.
Сӕ бӕхтӕ хъал ӕма тӕлтӕг,
Хуррутт кӕнунцӕ игъӕлдзӕг.
Идӕнттӕ, сӕргътӕ, думетонг
Ӕнцӕ ӕвзестӕй фур йефтонг.
Нӕййес уони 'хсӕн мӕгур лӕг,
Ӕй си алке дӕр тухгӕнӕг.
Кеттонтӕбӕл еци дзамани айдагъ Кӕсӕги бӕлах надтӕй. 1805-1809 ӕнзти Кавкази адӕнихӕттитӕбӕл еминӕ (чума) бахуӕстӕй ӕма си берӕ фесафта. Мосгъӕуи цӕргутӕбӕл дӕр еминӕ нӕ раеуварс кодта. Беретӕ си бабун ӕй - еминӕ сӕ фӕххаста. Сӕ берӕ мӕрдтӕ зӕнхи буни циртити нигӕд ӕрцудӕнцӕ. Абони дӕр Кети устур фӕзи билгӕрӕнтти и берӕ циртитӕ «Ӕрфӕни фӕдау» бӕрӕг ӕнцӕ. Еци дзамани ке бон адтӕй, етӕ уобӕйттӕ аразтонцӕ, ӕма уонӕми рамӕлиуонцӕ. Уобай аразунмӕ къирӕ ӕма дор гъудӕй. Дор фӕндон ка надтӕй, уобӕл уӕлдӕр финстан. Дони билгӕрон гулдзуг дортӕ ба хурӕ дасунмӕ нӕ бӕззунцӕ. Алли дор дӕр си къӕртт – амад кӕнун гъӕуй.
Кети бӕстихай лӕмбунӕг басгарстан ӕма си къирсодзӕн гарнай ихӕлддзӕгтӕ некӕми иссердтан, удта ӕ фалдзос къирдортӕ дӕр нӕййес. Ӕвӕдзи, уомӕ гӕсгӕ, емини тухст дзаманти уобӕйттӕ аразун берети бон надтӕй. Кети ци цалдӕр уобаййи ес, уонӕй ба цуппар ездон Хъарадзаути адтӕнцӕ. Сӕ еуемӕн ӕ фӕрсти дортӕбӕл финститӕ ма нур дӕр бӕрӕг ӕнцӕ.
Дортӕбӕл финститӕ бакӕсунбӕл байархайдтан ӕма исбӕлвурд кодтан.
Дортӕбӕл араббагау уотӕ финститӕ е:
Хуцау, анбал ин нӕййес. Мӕхӕмӕт ӕ
Минӕвар ӕма пахампар;
- Али.
Иннӕ дортӕбӕл финстити дамугъатӕ дзӕбӕх бӕрӕг нӕбал ӕнцӕ ӕма син бакӕсуни амал нӕбал ес.
Хъарадзаути уобӕйттӕ Кеттонти Кӕсӕг ӕгӕр тухсун кӕнун ку байдӕдтонцӕ, уӕд еу бон ӕрӕмбурд ӕнцӕ ӕма унаффӕ рахастонцӕ: кӕсгӕнттӕ нӕ сабур цӕрун нӕбал уадзунцӕ удта нӕ цума нӕ ниууадздзӕнӕнцӕ ӕма нӕ ардӕги ледзун гъæуй.
Беретӕ си исфӕндӕ кодтонцӕ Мӕздӕгмӕ фӕлледзун. Мӕздӕги зӕнхитӕ уӕд Уӕрӕсемӕ хаудтӕнцӕ ӕма Мосгъӕуи цӕргутӕ сӕ унаффӕ Уӕрӕсей Паддзахмӕ балӕвардтонцӕ.
Еци дзамани Уӕрӕсей Паддзахадӕ Дигорӕн лихстаг адтӕй. Еуемӕй, Уӕрӕсей хонсайраг арӕнтӕ бунӕттон адӕнӕй кӕронмӕ «федаргонд» нӕма адтӕнцӕ. Иннемӕй ба Ирӕ Уӕрӕсей хӕццӕ 1774 анзи баеу ӕнцӕ, Дигорӕ ба – фӕстӕдӕр, Уӕрӕсе син зӕнхитӕй зӕрдӕ ку байвардта, уӕд. Гъе, уомӕ гӕсгӕ Уӕрӕсей паддзахадӕ Дигори фӕндонбӕл исарази ӕй, ӕма ‘й исӕнхӕст кодта. Аци хабар, ӕцӕгӕй дӕр, уотӕ ке адтӕй, уобӕл ба дзоруй архивӕй ист ӕрмӕг – С. А. Булгакови рапорт.
Инӕлар Булгаков С. А. адтӕй Уӕрӕсей Теркон хъазахъаг ӕфсади 19-аг дивизий хецау. 1810-аг анзи, 12-аг маййи, Булгаков еугур Кавказмӕ ӕнгӕсдарӕг инӕлар А. П. Тормасовмӕ финста: «Осетины, страдающие от кабардинских владельцев и жительствующие по обе стороны р. Урух изъявили мне желание переселиться к кордонной линии. Почему я определил часть войск для вывода их, под прикрытием которых они в числе 266 душ вчера взяты и перепровождены и поселились в с. Черноярское».
Гъеууотемӕй, Л. Штедер ци гъӕубӕстӕ фӕууидта ӕма си емини дзамани ка фӕййервазтӕй, уонӕн сӕ фулдӕр галуӕрдунтӕ ӕма бахуӕрдунти сӕ мулк ниццурхдонцӕ ӕма Мӕздӕгмӕ ниффардӕг ӕнцӕ.
Лигъдадӕн цалинмӕ сӕхецӕн хӕдзӕрттӕ аразтонцӕ, уӕдмӕ растӕгмӕ цӕрӕнти цардӕнцӕ. Хӕдзӕрттӕ аразунмӕ син ӕхца дӕр ӕма зӕнхитӕ дӕр Уӕрӕсей паддзахадӕ равардта. Лигъдон адӕн 1813 анзи сӕхецӕн хӕдзӕрттӕ исаразтонцӕ Дзӕрӕстейӕй ӕртӕ километри идарддӕр. Сӕ гъӕуӕн ба равардтонцӕ, ци гъӕуӕй ралигъдӕнцӕ, уой ном Мосгъӕу. 1824 анзи аци дууӕ дигорон гъӕуей нӕмттӕ станицитӕй раййивтонцӕ. Мосгъӕу исхудтонцӕ – Ново-Осетинская, Дзӕрӕсте ба - Черноярская.
Куд бафеппайдтайтӕ, уотемӕй Кетӕй раледзӕг дигорӕнттӕ Мӕздӕги фиццаг ӕрцӕргутӕ надтӕнцӕ. 1804-аг анзи Дзӕрӕстемӕ (нури Черноярскмӕ) Дигоргоми гъӕутӕй берӕ адӕн ралигъдӕй. Дигорӕн Мӕздӕгмӕ раледзуни барӕ 1781 анзи Уӕрӕсей паддзахадӕ равардта. Еци анз Дигоргоми ӕмбурди фембалдӕнцӕ Уӕрӕсей паддзахади минӕвӕрттӕ, Дигоргоми ездӕнттӕ ӕма курухон лӕгти хӕццӕ. Ӕмбурди бадзубанди кодтонцӕ ӕма сӕ къохтӕ кӕрӕдземӕ равардтонцӕ - Дигорӕ Уӕрӕсей хӕццӕ байеу унбӕл арази ке ӕй, Уӕрӕсе ба - Дигорӕн Мӕздӕги ӕрцӕрунмӕ зӕнхитӕ ке ратдзӕй, уобӕл.
Лӕмбунӕг ӕркӕсӕн аци дууӕ дигорон гъæуей цӕргутӕмӕ. Кет ӕма Дигоргомӕй ка ралигъдӕй, уонӕми, 1818 анзи ӕрфинстмӕ гӕсгӕ, циуавӕр муггӕгтӕ цардӕй.
Феппайуйнаг. Мосгъӕуӕй Дзӕрӕстемӕ удта Дзӕрӕстейӕй Мосгъӕумӕ цалдӕр хӕдзарей бийнонтӕ сӕ цӕрӕнуӕттӕ баййивтонцӕ.
Еуӕй-еу дигорон муггӕгтӕ Мӕздӕги ӕндӕр хузи финсунцӕ. Мах бӕлвурд ке зонӕн, уони дигоронау финсӕн. Дузӕрдуг кӕбӕл кӕнӕн, уони ба, архивти куд финст ӕнцӕ, уотӕ ниууагътан.
Мосгъӕуи
Араптӕ
Бибатӕ
Гулдитӕ
Аркъалтӕ
Бичерахтӕ
Гучитӕ
Аркъаутӕ
Бузартӕ
Гъацъунатӕ
Бабочитӕ
Гагостӕ
Дзагуртӕ
Багъӕратӕ
Гажетӕ
Жидатӕ
Бадоновы
Галатӕ
Запойтӕ
Барцӕгтӕ
Гузантӕ
Кесичевы
Кургъостӕ
Тӕтонтӕ
Хабайтӕ
Лагкутӕ
Тотойтӕ
Хамилонтӕ
Лутите
Тугъуртӕ Хатъатӕ
Самбиевы
Тургитӕ
Хъӕбӕлотӕ
Самчиевы
Тускъатӕ
Хъузетӕ
Собитӕ
Тухайатӕ
ХІХ-аг ӕноси ма Мосгъӕуи ӕрцардӕнцӕ:
Агойтӕ
Гурдзибетӕ
Сабетӕ
Базатӕ
Елбайтӕ
Тугъутӕ
Бегитӕ
Занкъистӕ
Туйгъантӕ
Бичилтӕ
Кузантӕ
Хозитӕ
Газиртӕ
Майрӕму-
Цаллӕгтӕ
Гатутӕ
къатӕ
ӕма ӕнд.
Дзӕрӕстей
Ӕдцетӕ
Гулутӕ
Кузантӕ
Алкацовы Гурдзибектӕ
Кокитӕ
Байтугъантӕ Дзоппойтӕ
Кургъостӕ
Болаттӕ
Дзустӕ
Къибиртӕ
Гӕлутӕ
Елетӕ
Мистулатӕ
Галатӕ
Елойтӕ
Мугъутӕ
Гопузтӕ
Еноевы
Сӕулатӕ
Гизотӕ
Зӕгӕлтӕ
Сагетӕ
Гокъинатӕ
Закореевы
Салӕгатӕ
Сановы
Тотойтӕ
Харутӕ
Саситӕ
Туаллӕгтӕ
Хатъатӕ
Сохитӕ
Тугъутӕ
Хъардантӕ
Сушиевы
Туйгъантӕ Цугъулитӕ
Тӕтонтӕ
Толастӕ
Тускъатӕ
Уазӕгтӕ
ХІХ-аг ӕноси ма Дзӕрӕстей ӕрцардӕнцӕ:
Абойтӕ
Гацаевы
Кудаевы
Агайтӕ
Губатӕ
Къазийтӕ
Айтектӕ
Гузантӕ
Къорнатӕ
Акураевы
Гулитӕ
Къочитӕ
Амирантӕ
Гусетӕ
Сӕбантӕ
Багитӕ
Гучитӕ
Сампитӕ
Бадотӕ
Дудайтӕ
Сеойтӕ
Базатӕ
Дзотцойтӕ
Собитӕ
Батиевы
Есетӕ
Тетойтӕ
Белотӕ
Загъитӕ
Тументӕ
Бессоевы
Заникаевы
Хозитӕ
Бибатӕ
Занкъистӕ
Бичерахтӕ
Зохъотӕ
Хъантемуртӕ
Цъебойтӕ
Гӕзӕлтӕ
Карцантӕ
ӕма ӕнд.
Гобетӕ
Кетойтӕ
Мосгъӕу ӕма Дзӕрӕстей фалдзостӕ, хецӕн синхити (хуторти), ӕрцардӕнцӕ: Барцӕгтӕ, Елбайтӕ, Гӕздӕртӕ, Лагкутӕ, Тументӕ, Тускъатӕ, Гокъинатӕ.
Дигорӕй Мӕздӕгмӕ, раледзӕг адӕнӕн, Уӕрӕсей паддзахадӕ зӕнхитӕ ке равардта, уой нӕ феронх ӕнцӕ. Дувӕрӕй Уӕрӕсей паддзахадӕн се хӕс бафистонцӕ. Беретӕ си Уӕрӕсей ӕфсади рӕнгъити архайдтонцӕ: Хъирими тугъди, Турки нихмӕ дууӕ тугъдеми, Апойнаг тугъди, Кавкази тугъди, Фиццаг дуйнеон тугъди ӕма у.и.
Уӕрӕсей паддзахади сӕраппонд ба си беретӕ сӕ цард дӕр равардтонцӕ. Сӕ лӕгдзийнади фӕрци Дигори сахъ фӕсевӕдӕй 12 иссӕнцӕ инӕлартӕ. Ӕримисӕн син сӕ
нӕмттӕ.
Мосгъӕуггӕгтӕ:
Агойти Константини фурт Владемур, Агойти Константини фурт Константин, Бичерахти Федори фурт Лазӕр, Тӕтонти Петури фурт Григори, Тургити Дзамболати фурт Заурбек.
Тургити Абисали фурт Бейбулат, Хабайти Василий фурт Бета.
Дзӕрӕстейӕгтӕ:
Бегити Тимофеййи фурт Васили, Занкъисти Ивани фурт Къузма, Мистулати Аслӕнбеги фурт Елмурза, Сабети Григорий фурт Александр, Хамилонти Андреййи фурт Иван.
Уотӕ ка зӕгъа, дууӕ дигорон гъӕуемӕй ци берӕ инӕлартӕ рацудӕй, - зӕгъгæ, уомӕн ба дзуапп дӕдтӕн.
12 инӕлари, ӕвӕдзи, цийфӕнди дууӕ гъӕуемӕн дӕр берӕ ӕнцӕ, фал, мах гъӕутӕн ба на 'нце. Цӕмӕннӕ, - зӕгъгӕ, уӕд ӕй ӕргом зӕгъдзинан. Иронх кӕнун нӕ гъӕуй нӕ фиддӕлти истори. Дигорон лӕгӕн ӕ тогдадзинтти кӕдзос алайнаг тог ке суххут кӕнуй, удта алантӕ рагӕй дӕр лӕгигъӕдгун, нифсхаст ӕма бӕгъатӕр тохӕг адӕн ке адтӕнцӕ, уой. Нӕ рагфиддӕлти лӕгдзийнӕдтӕ игъустгонд ӕнцӕ. Зонӕн сӕ нӕхуӕдтӕ дӕр. Ӕцӕгӕлон, фӕсарӕйнаг адӕн нин ци аргъ кӕнунцӕ, уомӕн ба дӕнцӕн ӕрхӕссӕн Ад. Бержей киунугӕй скъуддзаг. Берже ӕ киунуги «Краткий обзор горских племен на Кавказе» (Нальчик, 1992) дигорӕнтти туххӕй финсуй:
«Дигорцы от природы одарены телесною красотою, высоким ростом, счастливыми умственными способностями и даром слова; они горды, верны в слове и клятве, гостеприимны. В лице они имеют большое сходство с черкесами, большею частью смугловаты, волосы на голове бреют, но носят бороду, подбривая ее на нижних челюстях. Вообще они стройны, сильны и ловки, обнаруживают характер отважный и благородный. Нельзя этого же сказать вообще об их соплеменниках, но разумеется, в частности могут быть исключения».
Тамара Хамицаева
Из книги "Вверх по Ирафу"
На левом берегу Ирафа, около нынешнего Хазнидона, когда-то находилось селение Кет. В наши дни там сохранилось только кладбище.
А когда-то это было оживленное место, здесь жили одни из первых выселенцев из гор, они посмели поселиться вне ущелья, надеясь на собственные силы.
Жили, не жалуясь на свою судьбу, - река, леса, пастбища, хорошая пахотная земля все, казалось, вело к их благополучию. Время от времени, правда, их тревожили кабардинские князья – приходилось платить им дань.
Так, однажды, говорят, прибыл в сопровождении своего отряда кабардинский князь Кайтукин. Он не удовлетворился тем, что кетинцы дали ему жирных коров и быков, лучших коней. Приглянулась ему красивейшая девушка села. Девушка же была сосватана за лучшего в Кете парня Масу Сеоева. В то время парень был на охоте. Возвращаясь домой, он встретил по дороге Кайтукина с его свитой. Рядом с князем сидела его невеста. Мог ли не понять Масу всего, что случилось в Кете?
Закипела ненависть в душе его, но он нашел силы удержать ее в себе. Поприветствовал Масу князя и попросил разрешения проводить свою сестру (так он назвал свою невесту). Сопровождавшие князя воины, соревнуясь в беге, очутились далеко от князя. Вот тут и выстрелил в него Масу. Подхватил он девушку, посадил на своего коня и примчался в Кет с тревожной вестью: «Я убил князя, готовьтесь к защите».
Поняли кетинцы, что несдобровать им - дорого стоила кровь князя в те времена. Несколько лет приходилось им скрываться в лесу, пока тот же Масу не поехал в Моздок и не попросил разрешения переселиться сюда кетинцам.
Прибыл в Кет отряд русских казаков, и в их сопровождении отправились кетинцы в новое место, основали там село, которое назвали Масукау, что дословно означает село Масу. Произошло это в 1810 году.
Об этом событии сложена песня под названием «Старинная дигорская песня - симд». Исполняли ее часто во время кувдов или свадьбы, танцуя симд. Прошло более полутора веков, а в народе хорошо помнят предание о кетинцах и, вспоминая их, сравнивают судьбу предков со своей... Были кетинцы смелые, мужественные, но в те далекие времена не смогли отстоять свое село, свою жизнь, мытарствовали по родным местам.
Ныне свободно и счастливо живется людям в ущельях Осетии, на ее цветущих равнинах. А горы Осетии гостеприимно открыты для тех, кто захочет увидеть их величественную красоту, вдохнуть живительный воздух, напоенный запахом сосны, свежей зелени услышать старинные предания из жизни ее народа...
