КЪОЛОЙТИ КУДЗИЙ ЗАР
Уой, уой, ӕма дӕлӕ сугъдӕ исцӕуй,
Ме 'нгӕрттӕ!
Уой, уой, мӕнӕ бабӕй нин хӕст ӕрцӕуй,
Ме 'нгӕрттӕ!
Киристонгъӕуи хъазахӕн сӕ ледзӕнфӕд
Сау надӕй ку байзадӕй;
Кудзи нидздзоруй:
- Мӕнӕн мӕ уарзон уосӕ –
Нинӕ саударӕй ку байзадӕй!
Рохсаг!
Уой, уой, Хъороти гъӕди сӕ толдзи кӕнӕнтӕ;
Кудзи нидздзоруй:
- Ме 'нгӕрттӕ, Хъодзасти хедбӕл мӕ тоги кӕлӕнтӕ!
Елхотти сӕри сосхъӕдӕй сӕргъгӕнӕг;
Кудзи нидздзоруй:
- Мӕнӕн мӕ хуӕртӕмӕ ка фӕууодзӕнӕй
Сосӕггӕй гъӕргӕнӕг!
Киристонгъӕуӕн сӕ толдзгӕнӕн Чегем ӕй.
Кудзи нидздзоруй:
- Ӕз мӕ тог ку райстон ӕхсӕз лӕгемӕй!
Рохсаг!
Хъумӕцти хуӕздӕр - хъанауат.
Кудзи нидздзоруй:
- Ме 'нгӕрттӕ, ӕз хъазахи хӕццӕ
Никкодтон хъазауат!
Уалдзигон бонвӕр бон-бон никкӕнуй.
Кудзи ӕ хӕсти бони дон-дон никкӕнуй.
Уорс хъазайхагӕн ӕ дарӕс ӕ кард ӕй,
Кудзи нидздзоруй:
- Ме’нсувӕртӕ, ӕз сумах нӕ ниууагътон ӕгадӕй!
Рохсаг!
Радзурдта ӕй Къорнати Ӕндре Бегайи фурт, 25 сентябрь, 1927 анз, Киристонгъæу.
Ниффинста ӕй Толасти Андрей.
ЦИНИИ-йи архив, фольклор № 15, папкӕ 8, ф. 450.
