Гарданти Михал
Зæронд Нартæ æма сæ фæстаг
Дигори дин
Хуцау
Сӕумӕраги арви къабӕзтӕй сурх сӕуӕхседтӕ ка ӕрбадаруй, уой фӕсте ба дуйнемӕ хор - зӕрин ходгӕ-ходгӕй ка рарветуй.
Раги изӕр арвбӕл талингитӕ ка ӕрбауадзуй ӕма арвӕн ӕ алли къабазӕй мӕйтӕ, ӕстъалутӕ ка ходун кӕнуй.
Ӕмбес бони содзгӕ хори буни ка бакӕнуй, ирд cay мегъи
бон ӕваст ка ӕрӕнкъард кӕнуй, сах хор бурдӕн - уарунӕй ка раййевуй.
Тӕвдӕ сӕрдӕ гъизт зумӕгӕй, уазал, ӕнкъард фӕззӕг рӕсугъд ӕма сатӕг уалдзæгæй ка ӕййевуй.
Ӕдзӕрӕг бӕститӕ адӕмӕй ка идзаг кӕнуй.
Устур аултӕ, муггӕгтӕ, адӕнихӕттитӕ ка берӕ кӕнуй.
Ӕзнӕгти кӕрӕдземӕ ка хӕстӕг кӕнуй ӕма дзиллити федауци надбӕл ка аразуй.
Адӕймаги ӕнӕуогӕй ӕ мади губуни ка равзурун кӕнуй, цард ин ка радтуй, ӕма ӕй ӕндӕр цардмӕ кӕ 'ййевуй.
Адӕймаги цард ка гъӕуай кӕнуй, ӕма ин ӕй рӕстӕрдӕмӕ ка аразуй. Ӕгас дуйней цард рӕсугъд, цитгин, кадгин, радгин ка кӕнуй.
Дуйней ӕнӕгъӕуагӕй, ӕнӕаййеппӕй, ӕнӕфсӕрмӕй, ӕнӕтухстӕй ӕнхузӕн дарун ка зонуй:
Еци ӕнхӕст, еци ӕпӕаййепп тухӕ ӕй сугъдӕг Хуцау, - табу ин фӕууӕд!
Аци ӕгас дуйнетӕ ӕнӕ нецӕмӕй ка сфӕлдиста, уобӕл ӕндарӕни кади ходӕн адӕймаг ка ӕривардта, дуйней сӕр, алцӕмӕй ӕма ӕнггӕтемӕй хестӕр, зундгиндӕр, игъосагӕдӕр, равзарунмӕ дӕснидӕр, банхус кӕнунмӕ тухгиндӕр, разӕгъунмӕ ӕма бакӕнунмӕ растдӕр ӕма ӕнхӕстдӕр ка 'й, адӕймаги ка искодта, е ӕй Хуцау - табу ин фӕууӕд!
Адӕймагӕн раст ӕма хӕран қа зонун кӕнуй, хуарз ӕма лӕгъуз ка лӕдӕрун кӕнуй.
Арв хортӕ, ӕстъалутӕ, мӕйтӕй ка сфӕлуста, зӕнхӕ ба кӕрдӕг ӕма аллихузи дидинӕгӕй, рӕзӕй ка стахуй.
Денгизтӕ, дӕнттӕ дони фонсӕй ка байдзаг кодта, алли гъӕздугдзийнадӕ, алли рӕсугъддзийнадӕ (кӕмӕй) ке къохӕй цӕуй, - е дӕ ду, Хуцаў табу дин фӕууӕд!
Хуцау ӕй дуйней сӕр. Дуйнейӕн ӕ райдайӕн ӕма ӕ кӕрон.
ХУЦАУИ БУНÆТТÆ
Хуцау ӕхецӕн цӕрӕн бунат исаггаг кодта ӕгас дуйней
- poxc.
Дуйней рохси къабӕзтӕ - тухтӕ ӕнцӕ: арв, дунгӕ, зӕнхӕ, дон ӕма зинг.
Арв Хуцауи хӕдзарӕ ӕй, зӕнхӕ е 'рӕнцайӕн, ӕ тургъӕ, е взурӕн, дунгӕ уод, ӕ уод, ӕ рафецауӕнтӕ, ӕ хӕтӕндӕнттӕ, дон, зинг ӕ сугъдӕггӕнӕг, ӕ цард аразӕг.
Хуцау ӕ цӕрӕнбонти исаразта хор, мӕйӕ ӕма ӕстъалутӕ ӕхсӕвӕ ӕма бони бӕрӕггӕнӕнтӕн, хонсар фонсӕн хуӕрунмӕ, фонс ба адӕймаги царди дзӕбӕхдзийнадӕн.
Зумӕг, сӕрдӕ, уалдзӕг ӕма фӕззӕг зонун кӕнунцӕ адӕймагӕн, Хуцау тухгин ке 'й уой.
Адӕймаг аци дуйнебӕл ӕй Хуцауӕн ковун ӕма Худауи (ӕстауни) кадгин кӕнуни туххӕй лӕвӕрд, хъӕбӕрдӕр ба Хуцауи менеугутӕ фӕнзуни туххӕй.
Дуйней дӕр ӕма адӕймаг дӕр фӕстехуарзгӕнгӕ бонхуӕздӕрӕй цӕуӕнтӕ.
ХУЦАУИ ХÆДЗАРÆ
Дуйней сӕр, зӕронд уорс - алистӕ, ӕнзтӕй, догтӕй, фӕлтӕртӕ 'ма рӕстӕгутӕй рагондӕр ӕма хестӕр Хуцау уӕлӕрвти медӕге ӕхецӕн исаразта ӕ сугъзӕрийнӕ хӕдзарӕ.
Хуцау ӕгас дуйнебӕл ӕ къабӕзтӕ ӕруагъта ӕма 'й ӕ сугъзӕрийнæ базури буни бакодта.
Устур Хуцау уӕлӕрвтӕ ӕ сугъзӕрийнӕ къелабӕл бадуй, сугъзӕрийнӕ фингӕбӕл сугъзӕрийнӕ киунугӕ ӕ рази, ӕ сугъзӕрийнӕ лӕдзӕг ӕ къохи, уотемӕй, дуйнейӕн фӕндӕ-тӕрхон кӕнуй, ӕ фӕндитӕ ӕма тӕрхӕнттӕ ба еци киунуги ӕ сугъзӕрийнӕ финсӕнӕй финсуй.
Ӕ алифарс - ӕ фалӕнбулай Хуцауӕн изӕдтӕ, идаугутӕ ӕма Хуцауи уарзон лиментӕ ӕхсӕвӕй-бонæй зилдӕгӕй сӕ зонгутӕбӕл бадунцӕ ӕма лӕуунцӕ, табуйӕй ковунцӕ Хуцауӕн, ӕма корунцӕ адӕмӕн, ӕгас дуйнейӕн дзӕбӕхдзийнӕдтӕ, сӕ рӕдудтитӕбӕл ба хатир.
Етӕ еугурӕй дӕр Хуцауӕн ӕ алли дзурдбӕл дӕр амменӕ зӕгъунцӕ.
Хуцау есуй, ӕ уарзонти кувд ӕма беретӕн уони кувдмӕ гӕсгӕ хатир дӕр кӕнуй.
Хуцау ести фӕндӕ ку фӕккӕнуй, уӕд ӕй изӕдтӕ, идаугутӕ ӕма Хуцауи лимӕнтӕ базонунцӕ Хуцауӕн ӕхе дзурдӕй (фӕндонӕй), Хуцауӕй ракорунцӕ ӕма ӕнамонди фидбилизӕй фӕййервӕзун кӕнунцӕ (бахезунцӕ).
Етӕ ӕмвӕндӕй амменӕ кӕбӕл зӕгъонцӕ, уой ба Хуцау ӕ сугъзӕрийнӕ киунуги ниффинсуй ӕма ин раййевӕн нӕбал ес.
Хуцау еци тӕрхӕнттӕ ӕ сугъзӕрийнӕ киунуги ӕ рахес къохӕй ку ниффунсуй, изӕдтӕ, идаугути, уодесӕги ӕма ӕ иннӕ уӕхӕн лимӕнти, еци тӕрхӕнттӕ ӕнхӕст кӕнунмӕ уӕд рарветуй.
Хуцау ци на зонуй, ке нӕ зонуй, дуйнейбӕл уӕхӕн нӕййес: сӕумон изӕдтӕ ӕма изӕйрон идаугутӕ æ къохи ӕнцӕ, алли 'рдӕмæ сæ ӕрветуй ӕма инетæ аллирдигӕй аллихузон уадзхъудтӕ хӕссунцæ. Дуйнебӕл зелунцӕ ӕма зӕнхӕбӕл ка ци уадзхъуд фегъуста кенӕ ба фӕууидта, уони ба Хуцауӕн дзорунцӕ.
ДУЙНЕЙ
Устур Хуцау ӕгас дуйней ӕ нагӕй сфӕлдиста ӕ зунд, æ фӕндӕ ӕма ӕ дзурдӕй.
Ецӕг дуйнейӕн хецауӕн ӕривардта Барастур, дӕлимонтӕн фидбилиз, а мӕнгӕ дуйнейи адӕймаг, уонӕн ce 'нккӕтей сӕргъи ба лӕууй ӕхуӕдӕг, сӕ миутӕмӕ син кӕсуй ӕма син тӕрхон кӕнуй.
Хуцау фиццагдӕр-фиццагдӕр исфӕлдиста арв ӕхецӕн цӕрӕндонӕн, изӕдтӕ ӕма идаугутӕ ӕма син загъта: «Цӕретӕ уӕларв мӕ цӕрӕндони, мӕ алифарс лӕууетӕ.»
Ӕма иссӕй уӕларвон сугъдӕг дуйней. Сӕ хецау ба Хуцау ӕхуӕдӕг.
Уой фӕсте ба Хуцау исфӕлдиста зӕнхӕ ӕ алли гъӕздугдзийнади хӕццӕ: донӕй, халсарӕй, фонсӕй, уобӕл кадӕр зайуй ӕма хӕтуй, уони, уонӕн се 'нккӕтей хецау ба искодта адӕймаги.
Адӕймаги Хуцау искодта сикъитӕй, равардта ин зунд хуарз ӕма лӕгъуз ӕвзарунмӕ, бартӕ ӕма фӕндон ести менеугутӕ кӕнунмӕ ӕма 'й ӕривардта зӕнхӕбӕл ӕлдарӕн ӕма ин загъта: цӕрӕ аци мӕнгӕ дуйнебӕл, дон хӕссӕ дӕ фӕллойнӕй ӕма устур, дуйнемӕ дӕхе исцӕттӕ кӕнӕ, Хуцауи ма феронх уo.
Адӕймаг ӕрцардай зӕихӕбӕл, ӕ цардиуаг исаразта ӕхе устур дуйнемӕ, Хуцауи размӕ цӕттӕ кӕнун райдӕдта. Адӕймаги бакъахунмӕ ӕма уомӕн ӕ хъаурӕ исбӕрӕг кӕнуни туххӕй Хуцау исфӕлдиста сайӕгой дӕлимон.
Сайӕгойтӕ цӕрунцӕ дӕлзӕнхӕ, ӕма бон дӕр али, гъуддагӕй дӕр къахунцӕ адӕймаги. Хуцауӕй ӕй идард кӕнунтӕ, ӕма ’й сӕхе дуйнемӕ ласунцӕ.
Хуцау ӕ изӕдти арӕзтӕй адӕймаги рӕстмӕ аразуй, фидбилиз ба' й фесиммӕ хӕссуй, гъе ма уой туххӕй кӕддӕриддӕр, изӕдтӕ адӕймаги сӕрбӕл дзорунцӕ Хуцауи размӕ.
Хуцау исмӕстгунӕй Фидбилизмӕ ӕма ‘й дӕлзӕнхӕ бакодта. Фидбилиз уоми дӕр ӕ кӕнон нӕ уадзуй ӕма адӕймаги исӕвдбӕл зелуй.
Гъе ма уомӕ гӕсгӕ ба Хуцауи изӕдтӕ ӕма Фидбилиз кӕддӕриддӕр тохунцӕ.
Фидбилиз али фонс, али рӕзӕ, али гъуддаги дӕр алцӕй хузи дӕр бацӕуй ӕма адӕймаги басайуй.
Адӕймаг фӕррӕдуйуй ӕма Фидбилизи хай исуй.
Ӕгас дуйнети фӕндӕ Хуцаумӕ 'й: ӕнӕ Хуцау цӕрӕн дӕр ӕма мӕлӕн дӕр нӕййес.
ХУЦАУИ ÆЗНÆГТÆ
Ӕгас дуйнебӕл ӕнамонддзийнадӕ кӕмӕй цӕуй, адӕни кӕрӕдзебӕл ка ардауй, ка цӕгъдун кӕнуй, али цъумурдзийнадӕ ӕма ӕнӕзӕрдӕесгӕ гъуддӕгтӕ кӕмӕй цӕуй, фурхуӕрдӕ, фурниуӕзтӕ, зийнадӕдзийнадӕ, хахур, гъолонцъух, ардаун, ӕлгъетун, давун, марун ке фӕндӕй цӕуй аци мӕнгӕ дуйнебӕл, етӕ ӕнцӕ Фидбилизи къохи ӕма хуннунцӕ Хуцауи ӕзнӕгтӕ.
Хуцауи ӕзнаг кӕддӕриддӕр Фидбилизи фӕдбӕл цӕуй ӕма æ фӕсте дӕр фидбилиз итауй.
Хуцау е знӕгти ралгъиста, гъема етӕ али бон зианӕй - зиани къохмӕ, рӕдудӕй - рӕдудмӕ хезунцӕ ӕма ӕнӕ еу бон цох, ӕнӕ еу игъӕлдзӕгдзинадӕй гъезӕмарӕ кӕнунцӕ.
Хуцауи ӕзнӕгтӕн ӕгас дуйнебӕл идзулд бон, цийнӕ ӕма барӕг фӕстаг нӕййес.
Уой туххӕй ӕма етӕ есге дзӕбӕхдзийнадӕй, федауцӕй со дзунцӕ ӕма мӕлунцӕ, адӕн - уарзондзийнадӕ си райдардӕй. Хуцауи ӕзнаг есге зианбӕл цийнӕ кӕнуй: е фидбилизи арф бацӕуй, ниффедарӕй лӕгъуздзийнади медӕгӕ ӕма ин лӕгъузеуæгæй фӕппирнӕн нӕбал ес.
Растӕбӕл цӕуӕг, хуарзгӕнӕг уонӕн (Хуцауи ӕзнӕгтӕн) се знаг ӕй, сайтӕнттӕ ӕма дӕлуймонтӕн, адӕнӕн али бон фидбилизбӕл ка ауодуй, етӕ ба сӕ лимӕнтӕ ӕнцӕ.
САЙТАН
Хуцауӕн, адӕнӕн ӕма ӕгас дуйнейӕн аккаг ка 'й фидбилизбӕл ка уодуй.
Дуйней - дзиллитӕ, муггӕгтӕ, аултӕ, бийнонтӕ ӕнӕскъуд - дзӕггаг ка 'скӕнуй.
Адӕнтӕ, хӕлӕрттӕ, лимӕнтӕ кӕрӕдземӕ ка кӕнуй ӕма се ӕзморӕй ка цӕрун кӕнуй.
Ниуазагӕ, хуӕрагӕ, хӕтагӕ, хахур, фудӕвзаг, ардауӕг, цъуххӕссӕг, лӕгмарунгӕнӕг, давунгӕнӕг ӕма зиангӕнӕг ка 'й, - еци уод ӕй Сайтаy, хузӕй сау, къӕдзӕ 'нгулдзитӕ, фӕстӕмӕ къах, сиугин.
Сайтӕнттӕ цӕрунцӕ дӕлзӕнхӕ ӕма хуннунцӕ дӕлуймонтӕ, ес сӕмӕ силтӕ дӕр ӕма нӕлтӕ дӕр.
Сайтан ӕй дуйнейи ихӕлцӕ ӕма фидбилиз, фал уӕддӕр силӕ сайтан налатдӕр ӕй. Фидбилиз кӕми уа, Сайтан уоми бадуй.
Сайтанӕн сӕ хуарзмӕ игъосгутӕн али адӕймагӕн хай ес. Адӕймагӕн ӕ хуарзмӕ игъосӕг рӕстмӕ ку (зела), уӕд ӕнӕфидбилиз æй.
Хӕдзари бийнонтӕн се 'нккӕтемӕн дӕр ес сайтани хай. Бийнонти сайтӕнттӕн сӕ сӕр ба ӕй бундор.
Ӕ бундор рӕстмӕ кӕмӕн цӕуа, уой гъуддаг адӕни ӕхсӕн нцойне дӕр кадгин - радгин ӕй, ӕ хӕдзари бийнонтӕ федаунцæ, ӕнӕхилӕ ӕма гъӕздуг ӕнцӕ.
Дӕ фудголбӕл ӕ бундор исӕррауӕд: уӕд хӕдзарӕ ӕ бунтӕй рахъан уй Хӕдзари бийнонтӕ кӕрӕдзей фид бахуӕрунцӕ - ӕма кӕрӕдзей гъезӕмарӕй марунцӕ, сæ дзилли 'хоӕн ба синдзӕ - биндзӕй цӕрунцӕ.
Хӕдзари цард бундормӕ гӕсгӕй.
Сайтӕнттӕ зелунцæ раст адӕни фӕсте, сайунцӕ сӕ сӕхердӕмӕ, адӕн сайд кӕнунцӕ.
Али адӕймагӕн дӕр ес сайтани хай, еци Сайтани хай хӕтуй адӕймагӕн ӕ фӕсте, ардӕуй ӕй али налатеуӕгбӕл, ӕ легъуздзийнӕдтӕ ин финсуй ӕма сӕ игъосун кӕнуй Хуцауӕн.
Сайтани ахӕсти ка фӕууа, уомӕн ӕ сӕр ӕ барӕ нӕбал фӕууй, али нез ибӕл ӕфтуйун райдайуй, сӕр нӕбал фӕййахӕссуй (æ мӕнгӕ дуйнебӕл) ӕма уотемӕй батар уй, ӕ сайтани хай æй бахуӕруй.
Уæхӕн уохурсуз ӕ мӕлӕти бони бафтуйуй ӕвдеутӕ дӕлуймонти къохи ӕма ‘й ниффардӕг кӕнунцӕ дӕлзӕнхӕмӕ (зӕнхи бунмӕ).
ИЗÆДТÆ
Æхсӕвӕй-бонӕй Хуцауи размӕ ка бадуй, уомӕй адӕнмӕ хуарз хабӕрттӕ ка хӕссуй.
Адӕни дзӕбӕхдзийнадӕбӕл, федауцӕбӕл ка аразуй, уони хуарз хабӕрттӕ уӕларвон Хуцаумӕ ка хӕссуй:
Сӕумӕ ӕма изӕрӕй арвбӕл адӕни гъӕуайгӕнӕгӕй ӕртӕ зелӕни ка кӕнуй амменӕ гӕнгӕй, еци сугъдӕг уодтӕ ӕнцӕ изӕдтӕ, идаугутӕ.
Зӕнхӕбӕл цидӕриддӕр адӕймаг ес, уомӕн уӕларв ес изӕди хай, гъӕуайгӕнӕг изӕд:
Али адӕймаги дӕр е 'зӕди хай гъӕуай кӕнуй фидбилизӕй, æ хуӕрздзийнӕдтӕ ин финсуй ӕма дзоруй Хуцауӕн. Изӕди хай ес ӕгас бийнонтӕн дӕр (сӕризӕд) гъӕуӕн дӕр (гъӕуизӕд).
Сӕризӕд ӕма гъӕуизӕд адӕни федӕуцӕбӕл зелунцӕ, адӕни кӕрӕдзебӕл ӕнгон кӕнунцӕ.
Гъӕуайгӕнӕг изӕд бӕрзӕндти бадуй ӕма адӕймаги будуйрон куст али лӕгъуз дунгӕ ӕма къӕвдайӕй хезуй.
Еци изӕд - будури изӕд, табу ин фӕууӕд! Нӕ хумтӕ, на игуӕрдӕнтӕ уой иуазӕг ӕнцӕ.
Изӕдтӕн идаугутӕн табуӕй ковун гъӕуй али сӕумӕ дӕр ӕма али изӕр дӕр.
Сӕумӕ раги ӕма изӕр талингити (дууӕ изӕрейӕхсӕн) етӕ зелунцӕ дуйнебӕл амменӕ гӕнгӕй, уони аммени сахатти адӕймаги цъухӕй цидӕр исхауа, уомӕн ӕнӕ ӕрцӕуӕн нӕййес.
Гъе ма адӕймаг ӕхе фудӕлгъистӕй гъӕуай кӕнӕд, ӕ ковӕн рӕстӕг фулдӕр дарӕд.
Сӕумон изӕдтӕ ӕма изӕйрон идаугутӕн табу фӕууӕд! Уонӕн ковун гъӕуй сӕумӕраги, кенӕ ба рагизӕр.
Гъей, Хуцауи размӕ лӕугутӕ, Хуцауӕй адӕнмӕ ӕма адӕнӕй Хуцаумӕ хабархӕсгутӕ, табу уин фӕууӕд!
АСТÆУККÆГТÆ
Хуцауи рази Хуцауӕн ӕ тӕрхон ка ӕнхӕст кӕнуй ӕнӕ фӕстамӕ исдзоргӕй, уӕхӕн косгутӕ лӕууй, уонæй сæ еу æй Уодесӕг, иннӕ ба Алаурди, ӕма Руни-Барӕ.
Карз уодесӕг ӕнӕхатирӕй адӕймаги уод исесуй, адӕймагӕн Хуцау, зӕнхӕбӕл цӕрун аккаг ку нӕбал фӕккӕнуй, уӕд. Алаурди ӕма Руни-Барӕ ба Хуцауи фӕндонӕй адӕнбӕл нез рауадзунцӕ, адӕн Хуцауи ку феронх кӕнунцӕ ӕма ести тӕрегъӕдтӕ ку ракӕнунцӕ, уӕд.
Еци устур незихӕттитӕй адӕн раервӕзунцӕ сӕ рӕдудтитӕ ку базонунцӕ ӕма уонӕбӕл зӕрдӕй ку фӕффӕсмон кӕнунцӕ, уӕд.
Алаурди ӕма Руни-Барӕ адӕнӕн сӕ нез фӕррӕуӕгдӕр кӕнунца, адӕн уони ести дзӕбӕхӕй ку ӕримисунцӕ, уӕд.
Хуцауи дзурдӕй Руни-Барӕ али нези хатт адӕнбӕл рауадзуй; Алаурди ба сувӕллӕнттӕбӕл, Уодесӕг ба сӕйгитӕбӕл зелуй ӕма сӕмӕ ӕхе аллихузи ӕвдесуй.
Адӕн ку фӕффӕсмон кӕнунцӕ сӕ лӕгъуз гъуддӕгтӕбӕл, нивондтӕ ку исуадзунцӕ, уӕд Руни-Барӕ ӕма Алаурди Хуцауæй ракорунцӕ ӕма карз Уодесӕг ӕхе сӕйгитӕй райдард кӕнуй.
Сӕйгитӕ уой ку нӕбал уинонцӕ, уӕд исолӕфунцӕ.
Хуцауи дзурд (ӕнхӕстгӕнгутӕ) Уодесӕг, Алаурди, Руни-Барӕ адӕнти зӕрдиуаг Хуцауи хӕдзари радзорунцӕ, изӕдтӕ-идаугутӕ, Хуцауи уарзонтӕ ба Хуцауӕй ракорунцӕ хатир ӕма етӕ фӕййервӕзунцӕ.
НИВОНД
Адӕймаг Хуцауи (зӕрдӕхудти ку бацӕуй) зӕрдихудт ку райсуй, адӕн Хуцауи ку феронх унцӕ ӕма Хуцау адӕймагмӕ исаразунмӕ ку фӕккӕсуй (ку фенгъӕл кӕсуй), уӕд е бафтауй адӕймаги ести зинӕвзарӕнти: хъиамӕт, нез, ӕнӕ уой зиндзийнӕдтӕ.
Руни-Барӕ уӕд адӕнбӕл рауадзуй еу хатт, ести руннези. Алаурди дзиуарӕ, ӕма адӕн никкӕлунцӕ нези буни.
Карз уодесӕг хӕтуй сӕйгитӕбӕл, кӕсуй адӕнмӕ ӕма адӕн сӕ миутӕбӕл ку нӕ фӕффӕсмон кӕнунцӕ, уӕд син сӕ нези хатт тухгинӕй хӕссуй, сӕ уодтӕ син исесуй ӕма ‘й райсуй е 'носон бунатмæ.
Адӕн сӕ рӕдуд ку базонунцӕ, сӕ тӕрегъӕдбӕл ку фӕффӕсмон кӕнунцӕ ӕма сӕхе сӕраппонди, сӕ сӕри бӕсти сӕ фонсӕй Хуцауи ном, кенӕ ба Хуцауи изӕдтӕ, идаугути ӕма Хуцауи размӕ лӕууӕг, Хуцауи уарзонти ном ку иссерунцӕ, ку никковунцӕ, уӕд Хуцау игъосуй еци кувд ӕма ӕæ адӕнӕн ниххатир кӕнуй.
ÆВСАТИЙ ÆМА ГЪÆДӔРХСНÆГ
О, сурх цӕстӕ хъӕрӕу Ӕвсатий, ӕстонг цауейнӕнтти фӕтӕг, Сау хонхи дзӕбодуртӕй, уорс хонхи сикъетӕй, сау гъӕди ӕрситӕй, сайгӕ-найгӕ ӕма Сӕдсугонтӕй, Терки идим, Дони, Къуми, Хъобани, Къиндзи сау робастӕй, дӕллагон лигъз будури рӕубестау тӕрхъсстау къуӕцӕли бунмӕ ка рафецауа, уони ӕнӕ хай ма 'скӕнӕ.
Ӕвсатий лӕварӕй хай кӕмӕн нӕ уа, еци цауӕйнон лӕги арми неци ӕфтуйуй гъӕди, хонхи, будури сирдтӕй, нӕ сӕ еруй, нӕ сӕ ӕргъӕвуй иссергӕй.
Сирдти фӕндӕ Хуцауи лӕварӕй Ӕвсатиймӕ ‘й.
Саухонхи уорс сиуӕ сау дзӕбодуртӕ: сау саг-сирдтӕ, уорс хонхи лигъз будури гъӕуанзтӕ, сикъетӕ ӕма рӕубестӕ, Ӕвсати, дӕ къохи ӕнцӕ.
Ду син дӕ ӕвӕлмӕцгӕ фиййау, ӕма дин дӕ ном цауӕнгӕнгутӕ астӕйронтӕ сирдонвидӕй къуӕцӕли буни.
Дӕ уорс гъог - дӕ фонси хатт дӕ хӕдзарӕмӕ ӕвӕлмӕцгӕй ӕздахуй.
Ӕвсати Гъӕдӕрӕхонӕги хӕццӕ ӕнвӕндӕ 'й уӕ фонси хатт хонхи къӕдзӕхти, саугъӕди Чилпи, кӕмтти, къолти, будурти ханси фудӕмбӕлӕг хезетæ ‘й.
Ӕвсатий Гъӕдӕрӕхснӕги хӕццӕ ӕнвӕндӕ 'нцӕ, сӕ фонсӕй кӕрӕдземӕн лӕвӕрттӕ нӕ кӕнунцӕ.
ФÆЛВÆРА
Фиййаутӕй иуазӕгӕн хуарз ка 'дтæй, æ фонсӕй ӕнггӕтæй дӕр ка уарзта, уой Хуцау ӕхецӕн лимӕнӕн райста ӕма 'й сауфонс, листфонси фӕнди сӕр искодта.
Цубурдумӕггаг, гебенагин, цӕппо-лӕппо Фӕлвӕра, ӕ дууӕ бæрци къласмустӕ, ӕд-хъириймаг, ӕд-хъатара ӕ фарсбӕл, уотемæй æ фонси сӕргъи рацо-бацо кӕнуй.
Фонс иуаруй Фӕлвӕра фонсиуарӕни хуцауæхсӕвӕ. Парахатӕй фонс иуаруй Фӕлвӕра, фонс ка уарзуй, гъе уонæн.
Ка гъог ӕргъау, ка дзогӕ фусӕй, сӕгъӕй фӕттӕруй. Цийнӕ кӕнуй Фӕлвӕра: ӕ лӕвӕрдтӕ хуарз ӕнцӕ. Фӕлвæрайæн ӕ дзогӕй фиййау нӕл фус рартаста. Фӕлмӕн хуӕрдӕ, сабур Фӕлвӕра ӕ фонси къуар риддӕр адӕмӕн иуаруй, фонсиуаруни - хуцауӕхсӕви. Гъе уомæй адӕни сайуй ӕма Хуцауæн косуй.
См.: Ирæф 1991, №2.
