Нарти Сатана Æма Орæзмæги Зар.

 НАРТИ САТАНА ÆМА ОРÆЗМÆГИ ЗАР
                           (Бæгæний зар)
   
   Еси мæлгъæ уæд фæттахтæй,
   Ес хуар, зæгъетæ!
   Æхсæрæ къотæрбæл - бор хумæллæг,
   Ес хуар, зæгъетæ!
   Уомæй цъеу ку рахуардта,
   Ес хуар, зæгъетæ!
   Зæнхæмæ е уæд рахаудтæй,
   Ес хуар, зæгъетæ!
   Нарти Орæзмæг уой иссеруй,
   Ес хуар, зæгъетæ!
   Сатанамæ 'й е æрбахæссуй,
   Ес хуар, зæгъетæ!
   Мæнæуи цæстæмæ 'й е бахæссуй,
   Ес хуар, зæгъетæ!
   Мæнæуи цæсти 'й е ку ниввæруй,
   Ес хуар, зæгъетæ!
   Сæрæй есгæ æма бунæй ахедгæ е ку фæууй,
   Ес хуар, зæгъетæ!
   Цъеу уоми ку æрæскъетуй,
   Ес хуар, зæгъетæ!
   Сатана сагъæс уобæл уæд байдайуй,
   Ес хуар, зæгъетæ!
   Орæзмæги лæмбунæг уæд ниффæрсуй,
   Ес хуар, зæгъетæ!
   Æ хабæрттæ ин е ку æркæнуй,
   Ес хуар, зæгъетæ!
   Гъе, нур бæгæни цæмæй кæнгæ 'й?
   Ес хуар, зæгъетæ!
   Хуарелдари бафæрсетæ,
   Ес хуар, зæгъетæ!
   Сау бæгæни - хъæбæрхуарæй,
   Ес хуар, зæгъетæ!
   Е 'нтауæн ба цæмæй кæнгæ 'й?
   Ес хуар, зæгъетæ!
   Нарти Сатанай бафæрсетæ,
   Ес хуар, зæгъетæ!
   Е 'нтауæн ба - æхсæрæ къотæрбæл бор хумæллæг,
   Ес хуар, зæгъетæ!
   Е 'нтауæн ба уомæй кæнгæ 'й,
   Ес хуар, зæгъетæ!
   - Ра нин æй хæссай сау бæгæни, Нарти Сатана!
   Ес хуар, зæгъетæ!
   - Ра нин æй ковай, Нарти Орæзмæг!
   Ес хуар, зæгъетæ!
   Дзæбæх бæнттæ ибæл мах фæууинæн,
   Ес хуар, зæгъетæ!
   Дзæбæх зартæ ибæл мах никкæнæн,
   Ес хуар, зæгъетæ!
   
ЦИГСÆИ-И архив, ф. ф.351, 145 п. Гадати Тазе дзурдтæй Дзагурти Губадий финст, Дзæуæгъæу, 20.03.1909.

М.а. - Нарты, I т.


   Нартæ.   Дзæуæгигъæу, 2005.

Киунугæ исаразтонцæ Скъодтати Эльбрус æма Къибирти Амурхан.