Дигорский язык
Видео
ЖЗЛ
Искусство
Достопримечательности
Поэзия
Фольклор

"Æнсувæр адæ мин ду равардтай..."

"Æнсувæр адæ мин ду равардтай..."

"Æнсувæр адæ мин ду равардтай..."

В мире, где технологии становятся все более продвинутыми, а общение все чаще происходит в виртуальном пространстве, мы порой забываем о ценности рукописного слова. Однако именно в этих строках, выведенных чернилами на бумаге, таится особая магия. Сегодня мы делимся с вами письмами Созура Баграева Сармату Косирати.

***

   «Мæнмæ адтæй дууæ киунуги, еу - «Сувæллæнтти дуйне», иннæ ба «Зæрди дуар». Фиццаг равдесуйнаг адтæй, зæронд царди, куд ин æнгъизтæй рауадзун, уомæ гæсгæ, фал æзмæнст æрæййафта æма е байзадæй нæхемæ нæ мади кири; ниууагътон æй уой хийнæй, гъома, ести финст ми ку агоронцæ, уæд си фесинмæ ку неци адтæй. Уоми адтæй рæуæг финст дууæ æмæ дууинсæй æмдзæвги. Сувæллæнттæн сæ гъазунтæ, сæ зæрдиуæгтæ, сæ ниййергутæн сæхе куд имонау фæккæнунцæ, сæ астæу седзæр ка фæууй, уонæн тæрегъæдгæнгæй, гъазæнтæ куд фæддæттунцæ. Дзæбæх син ка фæууй, уой хуарзи кой кæрæдземæн куд фæккæнунцæ, сæ астæу седзæр ка фæууй, уонæн тæрегъæдгæнгæй, гъазæнтæ куд фæддæттунцæ. Дзæбæх син ка фæууй, уой хуарзи кой кæрæдземæн куд фæккæнунцæ æнæгъæуаги сæ ка фефхуæруй, уомæ фудзæрдæ куд фæддарунцæ, æма никки цидæртæ. Адæми ку ракодтонцæ (Шкурой æфсæдтæ гъæуæй), уæд мæнæн мæ зæрди æрæфтудæнцæ мæ киунугутæ. Иссирдтон мæ бийнонти æма мин бæрæг базонун кодтонцæ уотæ: финст уæд, æнæфинст уæд, гæгъæдийæй нæмæ цидæр адтæй, уони басугътан нæ сувæллæнттæн тæрсгæй. Етæ фесавдæнцæ, иссерæн син нæбал ес.
   Дуккаги Федарæн равардтон Тогъойти Афоййи уосæ Дусинкамæ, кæци æй æхемæ дардта, цалинмæ адæми гъæуæй исистун кодтонцæ, уæди уæнгæ…
   Гъæуæй сæ ку исистун кодтонцæ, уæд еци киунугæбæл Дусинка тухстæй: «Ай, нæ фесафунбæл дзурд равардтон æма ’й нæ фесафдзæнæн», - уотæ дзоргæй æй æ рони ниввардта. Уæд ибæл еу къуар уоси исгъæртæ кодтонцæ: «Уой дæмæ ку ’ссеронцæ, уæд ма мах дæр ку исафис».
   Æма уæд искудтæй, уотемæй æй æхе киунугути хæццæ æ цæгатмæ Акъоти Хæмици уæрми устур кири медæгæ ниввардта. Гъе уоми байзадæй киунугæ. Кæд адтæй поститæ æвæрд бургæрæнтти, æхсæнти, æхсæвæ цæугæй фæууинун не ’нгъизтæй, уæдта гъæуи хурфи уорсити къуæрттæ изæр талингæй сæуми рохси уæнгæ сæ бунæттæй æппундæр рацæун не ’ндиуттонцæ. Уомæ гæсгæ цудтæн æдæрсгæй, æдæрсгæ дæр кæми адтайнæ, фал ци? Ка мæбæл исæмбалдайдæ, е мæ цæттæй феййафтайдæ æхсунæрвонгæй. Иссирдтон амундмæ гæсгæ мæ киунугæ, кирæ дæр еци сæумæ æд киунугутæ ласт æрцудæй. Æз æй фæххастон Æрæдонмæ, ма ’й равардтон Дзигасти Заурбеги уосæ Госгамæ, кæци æй, адæм цалинмæ адæм æрсабур æнцæ, уæди уæнгæ фæддардта æхемæ, уæдта мин æй лæвæртти хæццæ, æхецæн мæ æнсувæр искæнгæй, æнхæстæй æрбалæварта».

   6.02.1926 анз

***

   Сæрмæт!
   Райстон дæ пъисмо, кастæн дæ финст дæр мæхе туххæй «Рæстдзинад»-и. Ма нур куд зæгъон, уой нæ зонун, фал арфæ кæнун. Æвгъау æй мæнæн дæ цитæ, дес ба кæнун хъæбæр: не ’хсæн разиннун æнгъæл нæ адтæн æз дæу.
   Еци финститæ Губадимæ дæр æрвист адтæнцæ, ’ма ку не ’змалдæнцæ, уæд сæ ескæдмæ исæвæрунмæ æнæзонгæ, æвæсмард уогæй мæхе дæубæл кутемæй баласуæрнæ кодтон, е дæр мæмæ кæсуй фуни хузæн.
Хъæбæр хуарз мин адтайдæ, ку бафæразтайнæ фæццæун, уæд, фал нуртæккæ тог хуфун, кæци нез мæмæ ес авд анземæй, нурма фæззиннуй стæнмæ. Хæсгæ ба ракæнуй фулдæр, уæд къуæремæ сдзæбæх уон уотæ, фалæ сахатти ба мæнæн змæлæн дæр нæ фæууй, кенæдта фулдæр кæнуй. Уомæ гæсгæ байзадтæн. Финст мæмæ зæронд нецибал ес, фал ма нур ку ниффинстон, уони ба дæмæ æрветун мæ хузи хæтдзæ.

   Созур 2.04.1926

***

   Сæрмæт!
   Райстон дæ киунугæ, дæ пъисмо дæр абони. Æнгъæл ци нæ адтæн, уой дæу фæрци фæууидтон абони мæ цæстæй. Куд райарфæ кæнон дæуæн, уой зæгъун нæ фæразун, фал æз ке уарзтон, уæхæн финститæ байзадæй берæ. Æма кæд нæ гъæунцæ, уæд мин сæ фæстæмæ радтетæ. Тагъд дæмæ æрветдзæнæн нæуæг æмдзæвгитæ дæс. Фал сæ уотæ ку уорамайтæ, уæд мæ уæгæ мæлуй. Евдæлгæ дæ ке нæ кæнуй, уонæбæл ба берæ куст ке ес, уой зонун, фал мин зæгъæ, табуафси, ести ма си рартасдзæнæ, æви сæ ниууадзæн.

   Дæ Созур.


***

   Сæрмæт!
   Аци сауфинст исæхсæдунмæ æз дæу минæвар кæнун Малити Геуæргимæ. Æхецæн еци зин искæнæд, уомæй рацæуæд мæ автобиографи. Хузист мæмæ нæййес нуртæккæ. Фæразгæ дæр нæ кæнун, фал мин кæд æнтæса, уæд æй смадзал кæндзæнæн. Арфæ кæнун Губадийæн Дзагурти, æ лæвар ин райстон.

   Созур 7.3.1926 анз

***

   Хуæрзбон, Сæрмæт
   Нур, æнгъæлдæн, æрхъæрттæй мæ мæлæт.
   Ка ’й зонуй, кæрæдзей ку нæбал фæууинæн.
   Дæуæй цæун мæрдтæмæ аразийæй.
   Мæ бон ке нæбал адтæй, уомæ гæсгæ аци дууæ æмдзæвгемæй æндæр нецæбæл бакустон. Некæми неци ниууагътон. Мæ зунд мæхемæ ’й. Фæсаууонмæ дæ мæ хъури кæнун мæ цæстисуг калгæй, æнсувæр адæ мин ду равардтай.

   Созур, 7 апърел, 1928 анз


***

   Тов. Косирати
   Прошу не отказать поместить на странице уважаемой вашей газеты «Растдзинад» стихи одного дигорца самородка, который ищет себе дорогу к просвещению. Вы сможете связаться с ним письменно и он будем вам служить письменно селькором вашей газеты «Растдзинад».
О результатах прошу сообщить мне в Христианскую ячейку РКП.

   10.10.1925 г.
   Михаил Мамаев


***

   Тов. Косирати!

   Вот к тебе посылаю С. Баграева и ты должен использовать его. Потом удовлетворить его проездными, ибо он неимущий.

   Мих. Мамаев
   21.01.1926 г.

Возврат к списку